心理測驗:由打message習慣睇你人生弱點!

by juju

心理測驗, 手機短訊, 人生弱點, message, 性格分析

人人都有自己一套打message嘅習慣,不過可能連自己都無留意到,亦未必知呢啲習慣反映咗啲咩心理秘密!想知有咩玄機?跟住以下問題回答,就有答案!

Q1. 你有無試過自己創作一啲搞笑或感人嘅message send 出去?

A. 無喎     --去Q3
B. 有     --去Q2

Q2. 收到朋友send嚟嘅搞笑message,你通常:

A. 覺得勁無聊     --去Q5
B. 笑下就算     --去Q4
C. 如果真好笑,會forward出去     --去Q3

Q3. 你覺得用message取代當面表白有咩諗法?

A. 咁樣無咁尷尬     --去Q6
B. 咁樣係顧面子、誠意不足     --去Q4

心理測驗, 手機短訊, 人生弱點, message, 性格分析

Q4. 你最常用邊種語氣?

A. 「嘩」、「wakkaka」、「!!!」     --去Q5
B. 「嗯」、「ok」、「......」     --去Q6

Q5. 臨瞓前要覆message,你通常會:

A. 打完放低部手機先上床瞓     --去Q7
B. 瞓喺床度打     --去Q6

Q6. 夜晚同friend text,臨結束前,你會講「早唞」之類嘅說話嗎?

A. 好少會,通常講講吓無人再講嘢就算     --去Q7
B. 通常都會     --去Q8

Q7. 你有習慣久唔久就清下啲message同啲舊group?

A. 成日都係搞到爆哂先delete     --去Q8
B. 定期就會清下     --去Q9

心理測驗, 手機短訊, 人生弱點, message, 性格分析

Q8. 你通常點打字?

A. 單手搞掂     --去Q9
B. 兩手並用     --去Q10
C. 一隻手揸機,一隻手打字      --去Q11

Q9. 你覺得爆悶,會用咩方法同男/女友講?

A. 用message      --去Q11
B. 打電話     --去Q10

Q10. 你會唔會打字打到一半覺得唔耐煩而改為打電話?

A. 好少     --去Q13
B. 經常     --去Q12

心理測驗, 手機短訊, 人生弱點, message, 性格分析

Q11. 如果你收到個陌生人嘅表白message,你會:

A. 覆返message問佢係邊個      --去Q14
B. 同佢傾吓先算     --去Q13
C. 打電話問清楚     --去Q12

Q12. 你明知個friend send錯message俾你,你會:

A. 由得佢     --A型
B. 好心提佢     --去Q14

Q13. 你個message提示聲係:

A. 部機pre-set嗰個      --去Q12
B. Set咗自己嘅favorite      --B型

Q14. 無聊時,你會唔會睇返啲舊message

A. 唔會     --D型
B. 會     --C型

心理測驗, 手機短訊, 人生弱點, message, 性格分析

分析:

A型:你嘅人生弱點係大脾氣

你係咩都寫哂上塊面嘅人,亦唔會掩飾,你心情好時,成個人都靚哂,心情唔好時,直頭好似有股黑氣圍住你同周圍嘅人,如果有人响你爆忟時激親你,佢都幾大鑊......雖然你係直腸直肚、心地唔壞,但係如果遇到心胸狹窄或者唔了解你嘅人,就容易俾人誤會或者得罪人喇!記住:唔好俾脾氣控制你!咁樣最大得益嗰個會係你!

B型:你嘅人生弱點係太執着

對於感情,你好多時都唔肯放手,就算理智上你知道有啲嘢無得挽回,但係你都會傾向鑽牛角尖,寧願俾自己繼續痛苦,都唔想面對現實。愛上一個人,嗰個人就成為咗你嘅全部,你可以為愛情付出一切。但係如果你愛上錯嘅人,或者當感情走到盡頭,你就慘了!正所謂有捨先有得,有時要學識let go,俾機會自己行下唔同嘅路,可能柳暗花明又一村呢!

心理測驗, 手機短訊, 人生弱點, message, 性格分析

C型:你嘅人生弱點係優柔寡斷

無論大事小事,你都左諗右諗,越諗越多,到2046都未揸到主意。雖然話做事謹慎係好,但係諗到過哂火都唔知想點,就叫優柔寡斷。其實你未必係對自己無信心,而係唔清楚自己想要啲乜,所以面對種種選擇時,你硬係好似唔知向邊個方向走好。趁後生試多啲嘢,發掘下自己對各方面嘅取向,等到機會嚟到時,就會識得把握住。

D型:你嘅人生弱點係三分鐘熱度

你聰明、有passion,但係就係有啲善變同任性囉!所以好多嘢都係有頭威無尾陣,搞到一半就不了了之。而且呢個問題唔係淨係出現喺學琴、跑步呢啲嘢上面,响揀科、事業、朋友呢啲方面,有時都會出現同樣嘅情況,咁樣好容易會走多好多冤枉路,搞到頭頭唔到岸!恆心唔係一日練成的,揀一樣嘢逼自己堅持到底,俾自己感受一下衝到終點嘅滿足感啦!

LOAD MORE