走進小洲村 發掘原味廣州

by TEXT & PHOTO: Viviy

小洲村人民禮堂係當地人嘅文化活動場所,不時會舉辦不同的展覽。

由大量河涌貫穿的小洲村。

村內邊種有大量蓮霧,蓮霧成熟時,行行吓都有機會被蓮霧打中!

西園三巷9號蠔殼屋,始建於清朝、歷史悠久。

就算係屋嘅側面都鋪上蠔殻,一絲不苟,要來到嶺南水鄉先可以見到。

隨意搵間咖啡店來休息,咖啡賣相不錯,但當然味道仍與香港飲到的有一段距離。

單睇室內陳設,似唔似去咗香港離島上的café?

村內一間名為「黑店」的小店專賣鬥魚,將鬥魚放於牆上的水球內,成為室內裝飾的一部分。

除了賣商品,當然少不了賣藝,可有興趣晝返幅人像畫?

短短weekend想去個小旅行,不妨考慮去廣州。近年大陸城市發展迅速,要豪要新其實同香港相差無幾,反而係保留傳統風味嘅地方更加值得在未被文明壓碎前及早一去。這個極富嶺南水鄉特色的小洲村仍可保留碩果僅存的純樸風情,同時也不乏個性小店及古建築,值得一去。

要去小洲村其實不太難,由廣州東站已有巴士直達。位於海珠區嘅小洲村始建於元末明初,村內由水道貫通,有點似香港的大澳,不同之處是一個流嘅係海水,一個流嘅係珠江水。來到小洲村,一定要去全村只剩三間嘅蠔殻屋!蠔殻屋外牆全間屋由蠔殻鋪砌而成,一來係就地取材,二來係因為蠔殻可以令房屋冬暖夏涼,過癮!可惜因為係私人物業而無法入內參觀,但在外影觀摩都夠特別。

蓮霧處處 咖啡店閒hea

小洲村內沿着河道種有大量果處,夏天到此時亦可以見到跌落一地嘅蓮霧,村內果農都只係賣幾蚊一斤,夠哂新鮮樹上熟。近年越來越多城市人每逢周末就來小洲村,搵一間café小店,叫返杯咖啡閒hea一下晝,但同時消費同香港有得fight!如果一場來到想睇更多,不妨隨心而行,村內有唔少個性小店、賣近年大熱嘅多肉植物、賣日系zaaka 、又或是色彩鮮豔的鬥魚,新奇又有趣。不能錯過的,更有小洲村禮堂及其旁邊的糖水店,自己磨芝麻糊及薑汁撞奶都是不能錯過的美食!

廣州小洲村
交通:廣州火車東站搭45號巴士到小洲總站落車
預計遊覽時間:5-6小時

LOAD MORE