從一雙手睇男生對女生好唔好?!

by juju

男女關係, 兩性關係, 愛情問題, 溝通, 相處

睇男生對手,除咗睇下乾唔乾淨、粗唔粗糙之外,原來仲可能可以睇出佢係咪gentlemen!女生要注意喔!

有研究指出,如果男性嘅無名指比食指長,通常對女性都nice啲!原因係當佢哋仲喺媽咪個肚裏面時,子宮裏面有較高嘅睪丸素。研究人員搵咗百幾個加拿大男性,同各人進行超過5分鐘嘅互動,從中分析出佢哋「接納」、「好爭吵」、「支配」、「順從」嘅性格特質。响呢啲受訪男性裏面,無名指較長嘅,同女性相處時較多被形容為「接納」型,佢哋較懂得聆聽、願意妥協、有同理心,而且仲識笑添!

男女關係, 兩性關係, 愛情問題, 溝通, 相處

不過呢個「無名指」長度指標只適用响男vs女嘅相處上,對男vs男相處、女vs女或女vs男嘅相處係無效㗎!如果你嘅心儀對象咁啱係無名指長過食指,又唔使太開心,因為英國有研究指出,無名指長嘅男女,通常都比較「眼多多」,而嗰啲無名指同食指差唔多長嘅人,則通常比較專一!其實識鍚自己嘅女生,唔使睇人哋雙手,都自然識搵一個鍚自己嘅男生啦!

LOAD MORE