有錢無錢都曳曳?

by juju

愛情問題, 兩性關係, 財富, 有錢, 收入

成日話:「人,一有錢就身痕。」最近美國有大學嘅研究提出另一種論調,就係無分性別,經濟上越依賴另一半,越有可能出軌!

研究發現:

1. 經濟上完全依賴丈夫嘅女人,有約5%會出軌,但經濟上完全依賴妻子嘅男人,出軌嘅機會卻有約15%!點解差咁遠?可能因為社會習慣上,養家係男人嘅責任,當個男人(尤其是年輕男子)覺得自尊受到威脅時,就會以曳曳嚟「懲罰」搵錢比自己多嘅另一半。

愛情問題, 兩性關係, 財富, 有錢, 收入

2. 但係講返轉頭,「有錢就身痕。」呢句仲係可能成立嘅。根據報告指出,如果男人負責家庭總體收入70%,佢哋出軌嘅機會越細,但係一過咗70%,出軌嘅風險又會增加喎,可能因為當女方要完全靠晒男方時,男方覺得無論如何對方都唔會離開自己㗎啦!而呢個情況就唔係好適用喺女人身上,當女方係家庭經濟支柱時,通常都會比較識做,少啲喺男人面前炫耀自己嘅成就,亦會主動做多啲家務去避免衝突。

今時今日,打工仔好難走得甩「公一份婆一份」,如果情況許可,不妨試吓呢個7:3嘅比例成效如何? 唔好話家庭開支,而家大家對拍拖係咪要AA?點樣AA法?都有好多問號,不妨都試吓運用差唔多嘅方法去處理拍拖開銷,睇吓係咪會舒服啲?不過咁,一個人會唔會出軌,都唔係淨係關有無錢事嘅。

LOAD MORE