內向男女大翻身!

by juju

性格, 內向, 內向女生, 誤解, 個性, 外向, 表達能力, 人際關係, 怕醜, 害羞, 膽小, 孤僻

一般嚟講,啲人總係覺得「內向」人會較「外向」人蝕底,「內向」人怕醜膽小、孤僻、唔係做大事嘅材料……咪住先,內向唔等於頭腦、能力差過人!牛頓同梵高應該都幾內向架喎。大概有啲人對內向有啲誤解喇。

誤解1:內向表達能力較弱,唔鍾意講嘢。

事實:內向人唔係唔講嘢,喺適當嘅時候同原因之下,佢哋係可以好健談嘅!例如,如果佢哋要教一堂書,內容係佢哋熟悉嘅嘢,佢哋通常都好願意分享知識,仲可以好清晰、詳盡咁表達!內向人花好多時間喺深入嘅思考上,佢哋大部分時間都係用嚟聆聽同思考,而唔係用嚟講嘢。

性格, 內向, 內向女生, 誤解, 個性, 外向, 表達能力, 人際關係, 怕醜, 害羞

誤解2內向嘅人做決定好慢。

事實:做決定唔係外向人嘅專利,做一個好嘅決定需要考慮多方面嘅因素、收集同分析資料,同一個人係外向內向係無關係嘅。

誤解3內向即係怕生保、細膽啦!

事實:佢哋只不過係安靜,安靜唔一定係怕醜,亦唔係驚,有時純粹係話不投機半句多,留返啲氣力喺自己有興趣嘅事上面。內向人遇上志同道合嘅人,都會好有力量、好玩得。

性格, 內向, 內向女生, 誤解, 個性, 外向, 表達能力, 人際關係, 怕醜, 害羞

誤解4外向先係做領袖嘅材料!

事實:佢哋只不過係少發表無謂嘅評論或者無嘢講搵嘢嚟講,如果佢哋做上司,佢哋傾向多觀察、聆聽人哋嘅說話,亦即係話佢哋時時都處於高度留神嘅狀態,到有必要講話時,佢哋唔會無嘢講,而且仲要係無廢話。

達賴喇嘛嘅名句:"When you talk, you are only repeating what you already know. But if you listen, you may learn something new." 其實無人係百分百內向或百分百外向,只係邊部分多啲或邊部分少啲啫,最重要係不斷發現自己嘅內在,將生命發揮到最好。

LOAD MORE