改變姿勢!便便暢通無阻

by lulu T.

排便問題, 便秘, 腸胃問題, 日常生活, 腸臟, 健康生活, 如廁

講起便秘,好多CG!都有經驗,可能因為運動較少,又或者體質影響,女生一般都比男生容易便秘。間中一、兩日便秘,可能食個橙、飲多啲水、食多啲菜、用手掌喺肚上面打圈,幫助腸蠕動,好快就可以「解決」。若然經常唔暢通,上廁所的時間過長,會對肛門造成壓力,也有可能導致痔瘡的產生,咁就要特別注意,將問題盡快解決啦!

排便問題, 便秘, 腸胃問題, 日常生活, 腸臟, 健康生活, 如廁

當你無計可施,不妨改變一下上廁所嘅姿勢:蹲代替坐。

你可能會覺得有難度,因為現代社會大部分廁所都係坐廁,大家亦已習慣坐喺度便便,但當糞便要排出體外時,按照平常嘅姿勢,直腸與肛門的位置係處於糞便唔會外漏的角度,所以直腸亦唔容易將便便排出。相反,蹲廁的蜷曲姿勢會讓直腸與肛門之間呈現直線狀態,咁便便就暢通無阻喇。

但係,周圍都係坐廁,唔通要蹲喺廁板上面?咁又有啲危險嘅(萬一差錯腳就麻煩了!),所以建議大家在使用坐廁時,身體向前彎曲,上半身呈蜷曲狀,雙手放喺大腿上向前傾,再用矮凳墊腳,就可以做出同去蹲廁一樣嘅姿勢了。

LOAD MORE