爸爸如何影響女兒的感情生活?!

by juju

父女關係, 管教模式, 感情生活, 親子關係, 父母

做女嘅會受媽媽影響好大?其實爸爸嘅影響都唔少,有研究指出,爸爸對女兒嘅自信、人際關係、情緒健康、事業、成就等等都起住關鍵性嘅影響,而且對女兒將來嘅感情生活仲有深遠嘅影響添!

以下舉出5大類型嘅爸爸,會點樣影響女兒將來嘅感情生活?

1. 乜都Say Yes

如果爸爸細細個就鍚到個女燶,乜都話好,傾向幫個寶貝女解決問題,多過教佢解決問題,女兒將來喺感情關係上較可能傾向擔當服從、習慣妥協嘅角色,容易倚賴另一半。呢類型女兒通常學術成績都ok,但事業上就未有顯著嘅成就。

父女關係, 管教模式, 感情生活, 親子關係, 父母

2. 支持/付出型

呢類型爸爸喺女兒成長過程裏面付出精神上嘅支持,同時亦要求女兒靠個人努力取得成功,確保女兒有一定水平嘅生活質素。呢類型女兒好多時都喺事業同學術上取得驕人嘅成就,而且獲得快樂、得到另一半支持嘅感情關係。

3. 教練型

雖然話呢類型爸爸似個處處提點女兒嘅導師,但同時爸爸喺情感上都好依賴女兒嘅支持,爸爸好可能會將個女嘅人生塑造到自己心目中嘅理想方向,久而久之,女兒同爸爸會越嚟越似。呢類型嘅女兒長大咗好可能會同爸爸一齊做嘢,或者女承父業,選擇單身多過結婚。

父女關係, 管教模式, 感情生活, 親子關係, 父母

4. 疏離型

如果爸爸喺家庭生活裏面表現冷漠,女兒通常年紀較細就開始憧憬搵到理想嘅男人,亦有較大機會較早開始性行為。如果女兒覺得係自己嘅問題破壞咗父女關係,佢容易傾向不斷換對象,去逃避被拒絕嘅感覺,亦可能會同感情冷漠嘅人結婚,或者留喺一啲唔理想嘅關係裏面。

5. 缺席型

爸爸因為離世、離婚等原因而較早離開家庭,女兒傾向提早進入青春期,較早開始性行為,亦容易覺得被誤解、孤立。離婚父母嘅女兒,容易傾向想得到異性嘅注意;而喪父嘅女生,則傾向唔係好識同異性相處,同異性一齊會周身唔自在。

LOAD MORE