彭秀慧:愛一個人應是心甘命抵的!

By COSMO

彭秀慧, 初戀, 結婚, 年齡差距, 兩性關係, 愛情問題, Ask CG, 忘年戀

Dear CG!,

我同我男友喺埋一齊都有兩年幾,拍拖初頭好多拗撬,但慢慢大家會互相忍耐包容。直到依家都幾乎無鬧交,佢人品好好,又謙卑又就得人,符合老公標準,唯一缺點就係佢大我十三年, 而且佢係我嘅初戀。

而我好清楚自己仲後生,樣唔差,應該仲有好大market,自己係有啲唔甘心要同眼前呢個男人過一世,始終我而家個年紀仲好貪玩……一世淨係跟一個男人我未必做得到。

但佢已經到咗適婚年齡,佢身邊啲朋友好多都結晒婚,生埋小朋友。我覺得自己好自私,阻住人哋美好將來。有時會諗,如果佢無遇到我,可能識咗個咁上下年紀嘅女友,就會結埋婚添……

萬一我遇到個比佢更好嘅男人,我唔肯定會點揀……究竟我應該點做,離開佢定船到橋頭自然直?

V

彭秀慧, 初戀, 結婚, 年齡差距, 兩性關係, 愛情問題, Ask CG, 忘年戀

V:

最近我在網上看到不少像V你這類型的女孩,和你有着相似的煩惱。不是嫌棄自己男友不夠好,而是覺得自己「可以找個更好」;不是覺得自己段關係有問題,而是覺得自己段關係「無理由無問題」;不是覺得「初戀」不好,但覺得只得「初戀」就很土。(唉,更老土,押咗韻)

如果你把這封信放上網問大眾意見,你猜你會得到甚麼留言?可能最多人會說的不是叫你離開男友,而是叫你男友離開你。(下刪一千個原因,你想知道就即管把原文放上討論區吧)

不過這裏好歹不是討論區,你問的是我的意見;作為我們這些沒有你這般「後生」、「應該好多market」的女人,未至於要羨慕你初戀就遇上其實適合結婚的好男人,又不想告訴你我很妒忌你的男友竟然可以包容一個自命貪玩又不甘平淡的女朋友(你一定在很多方面很有吸引力);不過你一句「萬一我遇到個比佢更好嘅男人,我唔肯定會點揀」簡直就是很多現代女孩愛情觀的寫照,我慨歎現代人看待愛情關係今非昔比。甚麼叫好?甚麼叫更好?愛情裏應追尋的是更好還是愛?到底這一代的少女是不是看得港產愛情電影太多,覺得男女間有背叛有計算才是正常?還是被娛樂花邊新聞影響,覺得有一個億萬身家,又靚仔又大隻的男人就最幸福,是老公還是同人瓜分老公都沒所謂?起碼可以在網路貼貼相來炫耀一下自己的生活?

「甘心」這個定義是人人不同,不過在這個社會,要找讓人「心甘命抵」的人或事好像越來越少了,沒有辦法啦,人人都怕蝕底,想出位。(哎呀,又押韻)你既然明知自己不甘心,又何必繼續煩惱?V,我沒有打算改變你的愛情觀,以至人生觀,亦相信不是幾百字就可以把你的觀念改變;所以,我會對你說,不要讓這個男人辜負你的一生呀!甩掉他吧!不要讓他「阻住」你發達呀!2014年香港人口統計有三百三十五萬幾個男人,還未計外籍人士、內地富豪,你又後生,個樣又唔差,還有大把market!加油呀!先把你的好男友「放生」,他時日無多了,讓他早日找到「甘心」和他一起的女人吧。你還「後生」,還未知道你真正需要甚麼不足為怪,何時你才會遇上一個讓你真正「叫好」的男人,就讓成長來告訴你吧。

Kearen

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE