俾人嫌唔夠女仔?7招幫到你!

by juju

女人味, 成熟, 男仔頭

相比起老一輩,而家嘅女生比較敢想敢講,自然會俾人無咁含蓄、無咁斯文、無咁女仔嘅感覺,如果習慣咗「爽快」,一時間變返好「女仔」,又實在有啲難為情嘅!要辟除男仔頭味,其實係可以循序漸進又得!立即變返亦得!

以下方法有助增加「女仔」味,你可以逐少逐少咁變,亦可以一次過嚟,睇你自己同身邊嘅人接唔接受到嘅啫。

1. 想「女仔」啲就要著得女仔返少少,多啲著裙,少啲著波鞋牛仔褲,襯返少少簡單classic嘅飾物,就已經差好遠。

2. 妝係要化少少嘅,但唔好太誇,儀容細節一定要照顧到,疏於打理指甲、頭髮、汗毛、皮膚這些部分,整體睇起嚟,容易俾人邋遢嘅感覺。

女人味, 成熟, 男仔頭

3. 有無見過啲人外表又靚又有女人味,但一開口就嚇死你?所以做「女仔」就要入戲,搞咗個靚look,就要連說話舉止都配合埋,喺公眾場所講嘢唔好嗌破喉嚨、唔好講是非或粗魯核突嘢,仲有,食嘢唔好發出怪聲!

4. 閒時喺屋企擺啲鮮花,時刻給你輸出女性化能量。

5. 學跳舞係一個極有效嘅方法,幫助我哋了解、欣賞自己嘅身體,而且跳舞係有益嘅帶氧運動!

女人味, 成熟, 男仔頭

6. 投資一啲美美嘅內衣,俾唔俾人見到唔重要,重要嘅係你自己知!一啲洗到走晒色、走晒樣嘅內衣,絕對會嚴重降低一個女生嘅女性自信!

7. 聆聽多啲、少啲發表意見,唔會令你顯得蠢咗,有時但笑不語先至係智慧嘅表現。日常攞多啲禮貌、同情心出嚟,人自自然就會變溫柔啦!

LOAD MORE