真愛都有褪色的時候?!

by juju

愛情問題, 相處, 戀愛問題, 兩性相處, 兩性關係, 拍拖

有些朋友認為「如果係上天注定嘅真愛,無論如何都係唔會褪色嘅!」、「如果感情耐咗會變淡,就即係唔係真愛囉!」,傻女,無論邊類型嘅熱情,都有自然降溫嘅一日,但咁樣又唔等如段感情係假嘅。

激情、熱度難以長期維持,道理就如皮膚嘅彈性一樣,3字頭嘅皮膚梗係無2字頭咁嫩,但唔代表你就唔靚。一段感情成長咗,兩個人的角色都會擴張,責任感亦會增進咗,其實係好事,但與此同時,放喺對方身上嘅時間同精神自然就會少咗。不過咁唔代表熱情從此不再,熱情係可以自己添加的喔,久唔久就boot一boot佢!

好多couples一齊好耐都仲係愛意洋溢,唔係因為上天特別眷顧佢哋,而係佢哋會一齊搵啲新刺激、新冒險,例如一齊玩/學啲新嘢、識得keep住「最緊要好玩」嘅精神,而唔係乜都唔肯試、乜都話嘥錢。人,有時要俾自己「傻傻哋」先開心㗎!

LOAD MORE