柳俊江:真正愛一個人不會斤斤計較!

By COSMO

柳俊江, 愛情問題, 兩性關係, 計較, 小器, 愛情信箱

Dear CG!,

其實之前都有問過,不過無收到回覆,所以心中好苦惱!

我同P先生拍拖兩年,頭一年我覺得佢真係好錫我,仲好錫我嘅家人,會買好食嘅嘢同我屋企人分享,我想去邊度玩,食咩都會同我一起去試,我同佢住得好遠,不過佢都無計較,每天都嚟睇我一次!

但好景不常,相處耐咗就發現佢好計較,好似變咗另一個人,佢大我7年,我一直都視佢為我結婚對象!

由一年前開始,因為佢想儲多點錢跟我結婚,所以我都願意儲錢,只要求情人節、生日同周年紀念日出外慶祝,但可惜佢覺得浪費金錢,現在每月佢供兩千元,我供一千元作我們平日洗費以及旅行費用,原本都無問題,但佢話我都係唔夠節儉,因為要儲錢,我都讓步將餘下嘅錢留低,唔去旅行,改作度蜜月之用!

但佢並不知足,仲得寸進尺,頭一年講好俾兩萬元我箍牙,我當時因為無時間無去,佢俾兩萬元我作一年三個節日嘅禮物,到現在我想整牙了,佢就想縮沙,話嗰兩萬元其實係呢三年嘅禮物,我都算了,現在還成日嘈,話儲咗嘅錢點用由佢話事,三年之內佢話去邊食嘢,我都要聽佢講。我覺得佢好過份,所以由下個月開始一千元我就唔供了,將所有話事權都俾佢,我先可以有兩萬元箍牙!

我唔明白愛一個人點解可以咁計較,佢過份到連去戲院睇一場戲都同我講浪費金錢,生日飯出外食一餐晚餐又話點解唔可以喺屋企煮,點解差別可以咁大,好似已經唔係我認識嘅佢。真係個睇錢大過天嘅男人!

每次問佢愛唔愛我,佢答愛,但又自私唔肯付出,每次同佢傾大家磨合嘅問題,應承咗又拋諸腦後,又做返自己!

兩個人相處係要互相遷就,但佢呢啲行為都令我卻步,令我覺得佢唔適合我!

我可以點做?應該放棄兩年感情定係嘗試俾佢話事,幫佢儲錢,之後睇下佢點對我再作打算?

Vienna

柳俊江, 愛情問題, 兩性關係, 計較, 小器, 愛情信箱

Dear Vienna,

一段感情,因財失義,再走下去也沒有意義。

你現在捨不得的,是這個情人?還是共同儲下來的錢?還是投資了回不了本的時間?

兩個計較的人,像火星撞火星,不可以長遠,我建議你們還是就此作罷。

對,我在說兩個愛計較的人,包括你。愛計較不是天大缺點,好聽的叫「精打細算」,從你的來信內容可見,你必需承認,你是個「精打細算」的女人。

換個說法,人們說「愛情是盲目的」,為了真正的愛情我們願意放下一切的執着,如果你在愛情上能「精打細算」,對不起,你已經抽離了,你已經沒有那麼愛他了,不如考慮令大家都能舒坦的方法去生活吧。

從今日起,努力找個令你不會去計較的另一半吧。

Ryan

柳俊江

柳俊江 Ryan

人稱柳爺,已從情場退役,樂意為一眾迷途少女指點迷津。

如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosmoGIRL!網站為你解答!

LOAD MORE