彭秀慧:只遷就控制狂男友,不是健康的愛情生活!

By COSMO

兩性問題, 男女關係, 愛情問題, 兩性相處, 控制狂, 了解男人, 愛情信箱

Dear CG!,

我有一個拍咗拖三年嘅男朋友,佢已經出嚟做咗幾年全職,我就係啱啱畢業出嚟做嘢,我哋都係文員,返星期一至五。

佢三年嚟對我嘅生活都有好多限制,例如同女性朋友出街會問我幾點返屋企,我話 11 點,如果過咗呢個時間想傾耐啲,佢就會話唔准,如果唔係會覺得我唔守信用,又例如飯局入面有男性朋友,要預先話佢知,如果唔係會起疑心。

佢仲要求我最好要揀喺平日同朋友食,星期六日就要同佢拍拖,所以一般星期六日先做到嘅活動,例如同朋友踩單車、睇戲等,都甚少可以參與。仲記得有次同朋友去四日旅行,都吵了一輪,吵架原因係四日都無得陪佢。

我嘗試去同佢傾呢件事,佢話管束我嘅原因,係因為我曾經有次同男性朋友學完日文去睇夜場戲,然後我怕佢話太夜唔准睇,所以無話佢知我去咗睇戲,呢次係令佢失去信任嘅原因。不過我都知道呢次係做錯咗,所以自此之後都無同男仔出街,好多時都照足佢意思做。不過長此下去,會覺得好灰心,我指同好朋友好耐先食一次飯,但又只可以食一陣就走,而且只限食飯,其它活動要問過佢先睇吓可唔可以做。

我唔想為咗食飯問題而分開,請問 CG! 有咩意見,不論係覺得有咩不當嘅地方都可提出,謝謝!

Ann

兩性問題, 男女關係, 愛情問題, 兩性相處, 控制狂, 了解男人, 愛情信箱

Hi Ann,

真係食飯嘅問題?你真係覺得係食飯嘅問題?

我看你闡述事情頗為客觀,寫信來不是投訴他,只是覺得困擾;你做了令他不開心的事,會覺得自己做錯,願意犧牲自己的社交去討他歡喜。即使到電郵最後,你都會補充一句「覺得我有不當地方都可提出」。想你是個乖乖女朋友,偏偏又遇上一個專制易吃醋兼有控制慾的男友吧。

舉例有個皇帝鎖你在皇宮裏不准你外出,要你放棄皇宮外自己本來的一切,雖然你也享受皇宮內的一切,也喜歡和他一起的所有時間,只是你的一舉一動都在監視之內,所有活動都要得到他的批准,這是正常的愛情生活嗎?

戀愛應是錦上添花,為你增添快樂而不是煩惱;有個伴侶無疑會改變了一些自己的生活模式,當中有包容,有體諒,有遷就,但絕對不應是一人專政,你是和一個人拍拖,而不是和一個皇帝拍拖,在他對你的生活諸多限制時,他有考慮過你的感受嗎?看你的例子,情況頗為嚴重,因為他你喪失了自己的生活圈子,沒有了朋友,常常害怕犯錯,這個問題絕對應該正視。

換句話來說,你最不當的地方,是容許他一步一步的完全操控你的生活,只顧及他的感受,只看他是否稱心合意而忽略了你自己。這種失衡的相處,就引申到下一個問題:這種種犧牲,值得嗎?這是戀人間的健康相處嗎?

告訴他你的感受,要他多從你角度着想是重要的。任何一個人,都需要有自己的朋友、社交和生活,如果他是容易吃醋,而你又願意遷就,那你可以酌量多交代一點你行蹤,但絕對不應縱容他禁止你做甚麼。我想,你也是有分寸的人,如果他明白事理,應該體諒。如果不體諒,那就不單是和不和朋友去吃飯的問題,而是如此一個人,你值得和他一起嗎?難道要等到有天他無故放棄了你,你才找回你自己嗎?

Kearen

彭秀慧

編劇、舞台創作演員、導演,做劇場,做創作,最想做自己。愛劇場,愛創作,有時卻不愛自己。 

如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!

 

 

 

LOAD MORE