我愛龍貓!「橡子共和國」Donguri Republic精品店登陸銅鑼灣

by double p.

以《龍貓》、《魔女宅急便》,同埋《千與千尋》等多套吉卜力動畫電影做主題嘅專門店「橡子共和國」Donguri Republic喺銅鑼灣開分店啦!店入面有齊龍貓、魔女、千尋,同埋哈爾王子嘅精品,仲有好多影相位,就等小編介紹俾大家啦!

影相位 1:巨型龍貓
一去到店嘅門口,就見到有一個高過人嘅巨型龍貓,原來呢個就係「乘坐陀螺嘅龍貓」,而呢個巨型龍貓仲係全世界首度登場,連日本都冇架!

影相位 2:貓巴士
另一排晒隊嘅影相位就係今次新店特設嘅「貓巴士」,fans可以走入去巴士入面,扮坐巴士,影出嚟個效果好靚,好可愛架!

另外,為咗慶祝分店開張,銅鑼灣店仲獨家出售多款香港限定產品,包括龍貓四葉草鏡盒(HKD$60)、龍貓花盆(HKD$290)、魔女宅急便花盆(HKD$290),同埋龍貓服飾系列(HKD$140起)。同場加映仲有開幕送禮活動,即日起至5月2號,只需要影張銅鑼灣「橡子共和國」店面或龍貓電車嘅相,去店度出示俾店員睇,每日頭20位顧客就有機會獲贈限定粟米形禮物包(內有襟章同手巾)。

地址:香港銅鑼灣勿地臣街1號時代廣場9樓925C鋪
營業時間:10am-10pm

LOAD MORE