綠茶甜品控注意!中村藤吉登陸香港

by 韋寶

我去親京都一定會去中村藤吉!而家店家已經登陸尖沙咀The One 18樓,唔使去日本都有得食,相信呢個消息一定令一眾綠茶控非常興奮!
大家可以喺香港店品嘗到中村藤吉最特色嘅名茶 – 別製初昔(Koicha Hatsumukashi)。呢款濃郁嘅抹茶係喺宇治生產,屬於質量最好嘅名茶之一,只挑選最鮮嫰嘅新芽,以確保最純淨嘅味道!呢款珍貴嘅抹茶每日限量供應5杯,每杯 (40毫升)港幣198元。
此外,中村藤吉會精選食材每日從京都直送香港,而且所有產品新鮮製作,確保顧客喺香港都可以品嘗到京都宇治嘅綠茶滋味!必試推介包括中村藤吉招牌抹茶果凍,呢款美食喺京都店每日都好快售罄架!而菜單上另一最受人歡迎嘅京菓子組合(Kyo no Fukiyose),入面有自家製嘅甜品,包括抹茶及焙茶海綿蛋糕、白玉丸子,紅豆及抹茶雪糕。而小編就一向都好鍾意呢度嘅綠茶雪糕同綠茶芭菲呀!
 
仲有仲有,為慶祝海外首家分店開幕,大家亦可品嘗到中村藤吉香港店限定甜品抹茶大福紅豆湯啊!
 
地址:尖沙咀彌敦道100號The One 18樓
(店家會每天發放號碼牌,派完即止,如果想食就要早啲去拎號碼牌了。)

電話:2426 6111
 
註:茶芥每位港幣10元,每位食客必須惠顧最少一份飲品或食品,用餐時間為每位90分鐘。
 
LOAD MORE