他只顧自己爽?!

by Miss Sex

性疑問, 性生活, 打飛機, 睇AV, 男友行為, 性愛, Miss Sex

Dear Miss Sex,

我想問吓,即係我同男朋友親熱緊幫佢打飛機,打咗好耐都唔射,之後佢拎起手機睇AV打飛機,之後叫我係咁錫佢身體不同部位,睇咗一陣AV佢先射得出。其實係咪我既問題?係咪佢對我冇性趣?佢喺我面前睇住第二個唔著衫嘅女人打飛機而無望過我一眼,我嗰刻真係好心酸,而每次射完就唔理我咁,每次諗起我都好唔開心,其實係咪我多心?但我覺得佢好唔尊重我,好似利用緊我幫佢發洩咁,而唔係愛我。

Best wishes,
Apple

性疑問, 性生活, 打飛機, 睇AV, 男友行為, 性愛, Miss Sex

Dear Audacious Apple,

一個男人,有愛心住家飯唔食,成日食杯麵,係咪煮飯俾佢食嗰個人有問題?

當然唔係,係個男人唔掂,可能生理上唔掂,也可能性格上唔掂,直接啲講就係自私,唔理人感受。

男人鍾意睇AV打飛機,件事本身無問題,他鍾意望着熒幕上另一個赤裸女人自慰,未必代表他唔愛身邊女人,因男人確實比較分得開性和愛。

但有問題的是,他無了解清楚女朋友的底線,就按自己意願執行。你有明確告訴他,他在你面前這樣做,無望過你一眼,令你覺得佢好唔尊重你嗎?你有沒有提出,幫佢發洩唔緊要,但大前提是,他也要好好照顧你的需要?你需要的是血有肉互動的性愛,而不是單方面做一台打飛機機器。

暱埋一邊思前想後,或許是多心;假如清楚表明自己想法,對方還是依然故我的話,就是他沒良心了。

愛你的男人是會為你多想步,多做一步的。

Xoxo,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE