霸氣!開行Turbo 坐哈利電單車遊黃金海岸

by TEXT & PHOTO: Viviy SPECIAL THANKS: 永安旅遊 、昆士蘭旅遊及活動推廣局

藍天白雲下出車,5架哈利同場出動,呢啲咪叫霸氣!

其實坐哈利好安全,司機們個個都有反咁上下揸哈利年資,而且會準備埋頭盔俾乘客,放心。

約好時間司機們來到酒店門口等我們出車,擺post任影唔嬲。

見到後方路人們嗎?全部都係望哂來哈利度!

Point Danger 的行程中途會於岬角停站,可以遠眺黃金海岸最著名的滑浪者天堂全景,睇吓當地人幾咁寫意。

下方盡是衝浪的型男索女!

Point Danger 位於黃金海岸的南端,設有一個紀念燈塔,好天時可以180度望出澳洲東面的大海。

真正嘅澳洲黃金海岸係靚到你唔信嘅!除咗一般人所知嘅滑浪者天堂、叻哥同埋阿倫嘅超齡打工假期、仲有意大利名師操刀的凡賽斯酒店(Palazzo Versace),同埋一定要試嘅坐哈利電單車霸氣巡遊,淨係由著上一身Biker裝束的電單車手擔任司機,喺人來人往嘅滑浪者天堂前呼嘯而過,成件事已經值回票價!

香港人去黃金海岸可能是因為探親、 又或者去滑浪者天堂做滑浪好手,見盡型男索女,但咁靚嘅海岸線,的確係需要用不一樣的方法去玩!雖然自己冇車牌,但就可以提早網上預訂好型到爆嘅哈利電單車行程!行程由1小時至6小時都有,可以由司機們以哈利帶乘客遊盡黃金海岸大街小巷,不過初次來到,當然係揀沿着海灘邊大馬路風馳而行直到Point Danger,可以賞盡靚景同埋海岸線之個半鐘行程!

提起哈利,印象中biker司機們絕對唔會咁易俾人埋身,但原來司機們係極nice型格大叔,而且裝扮絕不馬虎,皮褸加牛仔褲,仲有一身嘅襟章,行頭已經充滿霸氣。我們同時租足5架車,未出發前司機們亦都極合作俾我哋影飽影夠先至起行!由出發一刻直到完成整個行程,哈利嘅轟隆引擎聲加上型爆外表絕對係行到邊吸收視到邊度,呢啲咪叫霸氣!

黃金海岸哈利電單車Wildfire Tours
收費:1.5小時 Point Danger 行程 AUD$180 (約HK$1062)(2架車起)另有其他多款不同路線可選
詳情:http://www.wildfiretours.com
更多有關黃金海岸:http://www.queensland.com/zh-HK/Explore-Queensland/Gold-Coast

LOAD MORE