心理測驗:邊種男生會為你帶來幸福?

by juju

心理測驗, 幸福, 愛情

幸福,係每個女生嘅追求,個男生要錫你,仲要係識得點樣去錫你!玩玩以下心理測驗,睇下邊類型男生可以為你帶來你想要嘅幸福

問題:如果你發現男友有小三,個小三仲要係你個朋友,你會點做?

A. 私底下搞掂個朋友

B. 分手,但要同佢哋兩個當面對質

C. 絕對唔會分手益佢哋

D. 唔分手,等全世界都知男友有幾衰!

E. 等全世界都知佢哋兩個做嘅好事先算

心理測驗, 幸福, 愛情

分析:

答A:知己男

愛情上,你要求唔多,只要對方明白你、懂得你,你就會受到感動,願意接受對方,唔會太計較啲咩。你需要嘅係一個可以共同努力、懂得回應你嘅愛嘅男生!嗰啲只要鍾意佢、自己點都無所謂嘅愛情唔適合你。

答B:曾經滄海男

過去有啲經歷、有啲風霜嘅男人,如果遇到對佢好嘅你,佢會格外珍惜,肯努力俾幸福你。呢種男人好重情義,愛念舊,對朋友有義氣,對家庭有責任感,好少會搞三搞四。當你遇到呢種男人時,唔好輕易錯過,亦唔好埋怨佢對朋友太好,佢對自己重視嘅人好,係一個package嚟嘅。

<<旅行時,3點睇穿佢真正性格!>>


答C:共同嗜好男

你係一個好注重溝通嘅人,如果另一半同你無共同話題,你會覺得好攰兼好悶。最好搵一個同你有共同嗜好,例如一樣鍾意四圍搵好嘢食、一樣鍾意計劃背包旅行、一樣鍾意運動嘅對象,咁樣你哋就會有講唔完嘅話題,一齊實踐目標,段感情自然有良好愉快嘅基礎。

答D:動力男

你係一個有好多諗法、有遠見嘅人,但就差在無乜行動力,一個可以推動你「Go Go Go!」嘅另一半可以為你帶來幸福,同你互補不足,雙劍合璧,發揮大家嘅小宇宙!所以呢,你要得到幸福的話,最好向一啲同自己有啲唔同、又可以互補長短嘅對象入手。

答E:患難男

你係一個為了所愛嘅人而不計付出、不怕犧牲嘅人,有能力同另一半共患難兼共富貴,喺患難時刻,你嘅不離不棄會感動到佢,响佢心裏面奠定無可取替嘅地位,將來好日子來臨,佢會千陪奉還幸福俾你!同你共過患難嘅男生,會懂得俾幸福你。

<<結婚前要問嘅7件事 !>>

LOAD MORE