編輯推介!半島甜品蛋糕+手工朱古力

by 韋寶

peninsula, 半島酒店, 甜品, lemon cream and blueberry, 檸檬忌廉藍莓卷,卷蛋,eggroll, 堂島卷,好食,推介,推薦
素聞半島精品店嘅Strawberry roll好好食,其實除咗士多啤梨,店家仲會推出期間限定嘅egg roll,好似而家嘅檸檬忌廉藍莓卷(Lemon cream and blueberry compote roulade$45、發售日期:即日起至2015年5月底),個cream滑溜非常兼富檸檬香味,喜歡偏酸同清新味道甜品嘅一定鍾意!

peninsula, 半島酒店, 甜品, Fresh raspberry and rose cream, 拿破崙,好食,推介,推薦
至於拿破崙都有限定口味,佢就係紅桑子玫瑰拿破崙(Fresh raspberry mille-feuille with mascarpone and rose cream$45、發售日期:即日起至2015年4月底),清新嘅紅桑子味中夾住淡淡玫瑰香,味道好夾,而且玫瑰味調較得啱啱好,唔會太濃得嚟又食到!而拿破崙本身嘅質地同味道應該唔使我多講,一樣係好好食啊!
peninsula, 半島酒店, 甜品, strawberry roll cake, 士多啤梨蛋卷,推介,好食,推薦,卷蛋
至於出名嘅Strawberry Roll我都試咗,的確做得好好:個cream超香滑,但一啲都唔漏,感覺好輕身,呢種味道同質感都係我第一次食到嘅,蛋糕軟熟兼富蛋香,夾埋香甜嘅士多啤梨,本身唔好卷蛋嘅我都覺得好好味!

(如果你好鍾意食卷蛋,仲可以試下宏嘅綠茶卷蛋,詳情:編輯推介:4間必食甜品店!

peninsula, 半島酒店, 甜品, chocolate cake, 朱古力蛋糕,推介,好食,推薦
我仲試咗呢款朱古力蛋糕,睇個樣好似會好heavy,但食落就一啲都唔係,加上入面有啲果仁,夾埋唔會好甜嘅朱古力蛋糕,同埋蛋糕面嗰啲好香可可味嘅朱古力醬,同樣好good呀!
peninsula, 半島酒店, 甜品, scones, scone set,推介,好食,推薦,食tea
此外,當日去嘅時候店家已經推出咗復活節嘅產品喇,同埋唔講唔知,呢度有scone set,可以買半島嘅scone返去慢慢歎,而且價錢係$88,真係好抵!
peninsula, 半島酒店, 甜品, 朱古力棉花糖, chocolate marshmallow,推介,好食,推薦peninsula, 半島酒店, 甜品, 朱古力, chocolate, 推介,好食,推薦, 復活節, easterpeninsula, 半島酒店, 甜品, 曲奇, easter
peninsula, 半島酒店, 甜品, 朱古力, easter,熊仔,bear,好食,推薦, 推介peninsula, 半島酒店, 甜品, easter, 熊仔, 半島熊,好食,推薦, 推介peninsula, 半島酒店, 甜品, 朱古力, chocolate set,好食,推薦, 推介

仲有仲有,呢度嘅朱古力棉花糖、半島熊嘅精品同手工朱古力都好吸引,當中手工朱古力真係既好味又特別呀!好似hazelnut lemon咁,小編第一次見呢個combination,食落係榛子朱古力味,但同時有啲檸檬啫喱喺入面,嗰個感覺同味道都好特別!仲有honey味手工朱古力都係,一咬落去蜜糖就湧出嚟,夾埋朱古力嚟食,嗰種得意嘅感覺好難用筆墨形容!由獲得國際獎項嘅朱古力大師所造出嚟嘅朱古力,真係與別不同架!

半島精品店  Peninsula Boutique  
地址:尖沙咀彌敦道19-21號半島酒店7-9號舖

LOAD MORE