做愛時陰道發出怪聲?

by Miss Sex

做愛時陰道發出怪聲?, 性疑問, 陰道, Miss Sex, 做愛, 性交

Dear Miss Sex,

Help!

之前我上網睇知道做愛陰道有聲係陰道鬆弛, 但問題係我啱啱先破處,經驗十隻手指數得哂,點解咁快有陰道鬆弛?仲越嚟越嚴重,定係有其他原因?我上網睇話咩「女性外陰肌肉出現乏力情況」、「滴蟲和真菌等疾病」,真係幾驚,覺得自己幾唔正常(哭)。

仲有一個問題係勁痛,已經做過近十次,可以講一次比一次痛。男朋友話我緊張,所以痛。但我自問已經好放鬆。我有諗過係咪唔夠濕,但係最後一次feel到好濕好ready嘅,點知一入一插就痛 。 

我想問下除咗玩具/products之外,有咩方法可以解決? 因為我啱啱先開享受性愛的樂趣,唔想咁快就要睇醫生、用玩具或其他輔助品。

請幫幫我!

Vivian

做愛時陰道發出怪聲?, 性疑問, 陰道, Miss Sex, 做愛, 性交

Dear Vixen Vivian,

唔清楚你响咩渠道睇到呢啲資訊,根據Miss Sex經驗,如果單憑上網就可為自己準確斷症,我應該患咗九次性病十次大肚(咩話?鼻塞都可能係有咗?)同埋已經嚟咗更年期。

做愛陰道發出怪聲,最大可能不過是男人抽插期間泵咗啲空氣入你陰道,呢啲空氣要搵辦法排出,於是好似放屁咁噗噗聲出咗嚟。如果你男人插得比較深入猛烈,如採用狗仔式姿勢,情況會較為明顯。

此現象實屬天然,唔關你事,解決辦法就係俾啲幽默感,笑兩笑然後繼續。或可試試轉換姿勢,睇吓會唔會「靜啲」。後生細女就話驚陰道鬆弛,等於廿四歲就話自己老,點先?Miss Sex唔想同你講嘢囉。

至於性交疼痛,唔……如果剛剛有性經驗,一插入時可能感到少少阻力或疼痛感,假如你男人識得就住,慢慢嚟,而不是直出直入猛烈抽掹,與此同時你懂得放鬆,享受其中,相信陰道會慢慢適應,性事漸上軌道。

如果不行,就試試用潤滑劑輔助,再解決不了,就要睇醫生。

我知,你唔想用輔助品或睇醫生嘛,咁其實你想唔想解決問題嘅啫?

定啲嚟啦。

Love,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

 

LOAD MORE