港姐:別為不肯承認你身份的他找藉口!

By COSMO

愛情問題, 感情煩惱, 兩性關係, 拍拖, 地下情, 傷心

Dear CG!,

我而家仲讀緊書,男友已經出咗社會做野,男朋友係上年暑假打機時認識,9月中一齊咗,一直到而家,但佢一直唔想公開我哋既關係,話可以話俾我朋友同同學知,但唔好比我哋朋友圈子中嘅人知,佢屋企人同埋佢自己嘅社交圈子都唔知有我呢個人,我哋一直維持秘密戀人呢種關係到而家。

男女朋友之間嘅親密行為都做過哂,但到而家都係出街唔會拖手,唔會抱,唔會錫,我主動拖佢,拖拖下佢會拎電話出嚟拎住,我就跟喺佢後面,朋友圈子中得兩個人知我哋一齊,佢哋都係情侶,有時我地4個一齊出街,見到人地可以咁sweet真係好羨慕,前排我生日,我屋企搞生日會,有我嘅舊同學同朋友仲有而家嘅同學,佢有嚟先見過哂咁多人,見埋我媽咪,但之前一齊去踩單車,加埋我哋兩個有六個人,得一個人唔知我哋一齊,嗰個人問佢女朋友係邊個,佢都係唔願意講出嚟。

我係覺得佢可能想低調,又唔鐘意喺咁多人面前親熱,所以一直都無咩,但直至上次除夕倒數,佢有個舊同學,女仔係外國讀書放假返嚟,想佢陪佢去倒數,本身係我想約佢去,佢問我會唔會唔開心,我話會,但佢都係去咗陪人哋,話個女仔5年無係香港倒數,同埋有多一個人,我心入面係唔明點解佢唔會帶埋我去,之後嗰晚我一個人留喺屋企,個個都出哂去玩,夜晚我就喺被窩入面喊,之後先發覺原來有時佢出去,都唔會帶埋我,唔會話我知去邊。我自己就覺得自己唔係靚,而佢以前嘅女朋友好似個個都唔錯。可能我唔見得人掛。(唔好同我講話有自信個人就好靚,現實中邊個唔係睇樣先?)愛情問題, 感情煩惱, 兩性關係, 拍拖, 地下情, 傷心

你好,

要把戀情弄得低調的男人,大致有兩種。一是有名氣的,身位大明星為保形象要搞地下情,而我相信你的男友應該不是;二是有「景轟」的,所以不想自己的感情狀況太公開太明白。而你的男友擺明就是。

他不願公開戀情,那代表他把跟你之間的,並沒視為戀情,而只是偷情。真的愛你、尊重你的話,絕不會偷偷摸摸、不明不白地隱藏你,更不會要你感覺難堪、委屈。

就算多低調,都不會誇張到連承認一句你的身份都不肯。請別自己為對方解釋,而且還解得那麼牽強。

如果他不想公開你的原因真是因為你不夠他的前女友們美,那麼就證明了這是個很不堪的男人。而如果你自己都覺得這個原因是一個合理、可接受的原因,那麼你也是個不堪的女人。因為你接受這樣的羞辱。

不顧你的感受去跟另一個女人倒數,亦不理你的憂慮而常不知所蹤,除卻置你於地下室令你不能見光外,簡直連情侶間的基本禮貌都沒有。這樣不懂尊重你的人,繼續愛下去,是幫他一同來侮辱自己。

港姐

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。
 
如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

 

LOAD MORE