港姐:跟隨自己的「心跳」去選擇吧!

By COSMO

CG!你好,
 
我係一個喺外國讀緊書嘅大學生。因為冇拍過拖,所以為突如其來嘅愛情問題感到好煩惱。
 
最近同幾位女性友人頗為投契,亦因此而同佢哋嘅朋友圈子變得熟絡。X先生同我有好多共同興趣,而且為人溫柔體貼,總之我心目中所有認為係perfect guy嘅標準都符合晒啦。朋友們一直認為我哋兩個好合襯,甚至連我自己都覺得佢係一個好唔錯嘅選擇。X先生最近對我好好,雖然未向我表白,但我知道佢有意同我有進一步嘅發展。問題來了,遇到一個如此完美嘅男生,我卻對佢一點心動嘅感覺都無。我一直覺得因為我哋唔係熟咗好耐,而且經常同一大班人一齊,未有多少機會好好了解佢,所以先對X先生無感覺。只要多加認識,多點獨處,感情就會來。
 
我又喺同一個啱啱變得熟絡嘅朋友圈子裏面認識到Y先生。Y先生無論係文化背景、宗教、性格定興趣上都同我差幾丈遠。佢係一個頗有趣嘅人,我好開心可以同佢成為朋友,但絕對唔會係我想拍拖嘅對象。就算係一齊,亦會因為身份背景關係而無可能長遠發展,但我偏偏對佢動心。每當佢靠近同我互動嘅時候,我心都跳得好快,每當有聚會,我最期待見到嘅竟然係佢而唔係X先生。
 
我真係好討厭自己明明前面有條好明確嘅路,但偏要搞到而家呢個咁混亂複雜嘅局面。對於X我實在有點兒抱歉,亦都為咗自己對Y嘅感情好困惑,所以我決定要暫時(可能一個禮拜,可能一個月)離開呢個朋友圈子,俾自己時間冷靜下,認清自己嘅感覺(對於Y可能只係一時心動)。我唔知我咁做啱唔啱,亦因為之前無遇過咁嘅情況感到有啲慌張,所以希望CG!可以俾少少建議我。

焦糖拿鐵上

焦糖拿鐵:

兩個人之間的吸引力法則,有時就像是磁鐵,同極相斥,異極相吸,你的境況正是這樣。感覺向來都是這麼弄人的一回事。

若然你是一個已飽經滄桑、體會各種滋味、心倦心老的女人,你問都不會問,絕對會選像X那樣的人,而那也是非常合理及明智的選擇。不過,你不是。你只是個少女,而且是個從未戀愛過的少女。

從未為戀愛而激動、狂喜。從未感受過戀得失重、失智的神奇曼妙。你是否已甘願跳過及錯過隨心而愛所能嘗到一切滋味?

才不過十八廿二,又未嘗戀愛,為何要急着囚禁自己的感覺?除非你堅持要初戀就一Take過結婚生子永結同心,否則這樣未用過感情就已過份理智,實在太過浪費人生。況且你自己覺得對方適合你,也不一定代表會有個甚麼好結果。人與人之間的化學作用,是很難預計的。

強迫自己去對一個沒感覺的人產生感覺,最後產生的大多是痛苦的感覺。就算你此刻跟對其無感的人開展一段無味的關係,遲早也會受不住這種乏味的雞肋戀愛而傷人苦己。

人在每個階段所享受及尋求的感覺、方式、人物都不同。在可以盡情心跳的年紀,何必一早就壓抑感情、勉強自己?

就算錯了,也是一劃青春的痕跡,也是認識自己、了解愛情的一段歷程。

港姐

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。
 
如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!

 

LOAD MORE