想分手?答到呢4條問題先講啦!

by Text: hey hey

分手,當然傷心,但其實提出分手都好大壓力㗎,好多時思前想後都唔知點開口,怕對方難受,自己亦傷心。想知自己準備好提出分手未?自問自答4條問題幫到你。

最常被採用嘅分手方法有兩種:
1. 逃避:唔理對方幾日、電話唔聽、message唔覆,等對方主動問你係咪想分手
2. 反客為主,故意撩交嗌,等對方忍無可忍頂唔順講分手先。

不過呢兩個都唔係CG!建議嘅做法,因為呢兩個方法都係懦弱嘅表現,如果你曾經真心愛過呢個人,佢有權知道呢段感情發生緊咩事。

咁到底應該點?


提出分手前,最好問自己以下呢4條問題,搞清楚自己有幾堅定:
1. 你會唔會同佢講到一半就想改變主意?
2. 如果對方要求俾多次機會,你肯唔肯?
3. 為咗呢件事,你係咪成日都猶豫不決?
4. 你會唔會考慮先嚟個冷靜期至正式分手

如果以上嘅答案大部分都係「會」、「有可能」之類,即係表示你好可能並未準備好,就算你真係好想分手,都有幾高嘅成數會喺對方苦苦哀求下復合。

如果你嘅答案好堅定,全部都係「唔會」,咁你可以參考:「點同12星座講分手?」,以及「分手要分得高明!」。

LOAD MORE