編輯推介:一試就愛上!YSL無重羽毛粉底液

by Karen C.

呢排人人都講緊YSL全新推出嘅輕透無重羽毛粉底(Fusion Ink Foundation),仲話喺英國足足有成12,000個waiting list都係等緊買呢支粉底,究竟係咪咁巴閉?小編當然要即刻試用,估唔到真係一試就愛上!

我本身係暗瘡肌膚,面上有粒粒又有印,所以揀粉底最緊要遮瑕度高得嚟唔厚身,呢支YSL嘅粉底真係名副其實嘅羽毛粉底,做到無重妝效,而且遮瑕度唔錯添!

拎出羽毛型塗搽棒嘅分量就足夠全面用,可以直接點到面上。

只要將粉底液一推開,立即由液體變成粉狀,而且質地非常滑,好有驚喜!

可以選擇用掃打圈推開,打造非常貼薄透亮嘅妝感。不過由於我面上瑕疵較多,我選擇用手推開,咁樣遮瑕度會較高,而且呢支粉底真係非常輕身,搽完之後真係感覺到好薄、好薄,好似無搽粉嘅感覺。

好,等我公開自己素顏嘅皮膚,希望唔好嚇親大家……

注意:以下相片絕無修圖!

有紅印、有暗瘡,仲要膚色不均。

搽上一層粉底,已經遮咗7成,係較深嘅印難以完全遮蓋,而且膚色變得均勻,仲有光澤。

重點遮瑕再上碎粉後就完成底妝。(皮膚唔好,少少瑕疵仍然有的……)

返完一日工之後,底妝都唔算甩得勁(我混合性肌膚),而且無變色,唔錯!

最後,我想講我好鍾意個包裝,黑襯金真係好有型!

共8色,HK$550

LOAD MORE