美白雪透亮之旅!Kose雪肌精 x仙履奇緣限量聯乘

by 韋寶



我早前去咗東京參加KOSE雪肌精嘅30周年活動,記得當日一入到會場,就覺得非常興奮,因為場地布置得超美,城堡嘅設計加上代表雪肌精嘅雪花,感覺真係既夢幻又浪漫!


會場除咗有雪肌精嘅發展史,仲有美美嘅南瓜車布置。整得咁靚,小編當然要留影啦!


相信大家對雪肌精都唔會陌生,不過大家又知唔知其實佢所搽用嘅配方,係從超過100種和漢植物中嚴選出嚟嘅「透明美肌秘方」?而佢主要蘊含嘅薏仁萃取液、當歸萃取液及白蘞萃取液都有保濕美白嘅作用!
是日Kose嘅社長及行政總裁小林一俊同Walt Disney Company Asia 總裁Paul Candland仲宣布咗一個小編好鍾意嘅crossover,佢就係品牌同迪士尼電影《仙履奇緣》嘅聯乘系列啦!

之所以會有呢個crossover,係因為品牌覺得肌膚變靚,就會令人充滿勇氣,咁就可以好似灰姑娘咁夢想成真。所以,雪肌精十分支持迪士尼電影《仙履奇緣》,仲鼓勵大家好似灰姑娘咁積極面對生活!


藥用雪肌精“仙履奇緣”珍藏版$380 / 200ml
2015年3月1日限量發售

呢個系列共有兩款產品,包括藥用雪肌精「仙履奇緣」珍藏版,以及雪肌精BB Cream Kit 限定「仙履奇緣」珍藏版!前者既包裝上印有立體嘅玻璃鞋,而後者入面就有雪肌精White BB Cream SPF40/PA+++(30g)及雪肌精Clear Cleansing Oil(35ml)。唔講唔知,原來藥用雪肌精(化妝水)之所以可以美白兼保濕,係因為佢糅合咗寒、涼、溫、熱「四氣」嘅和漢草本概念,加上水油合一嘅配方,就可以令肌膚達致水油平衡!


雪肌精BB Cream Kit 限定「仙履奇緣」珍藏版HK$200(2 色)
2015年3月1日限量發售
而雪肌精White BB Cream最特別嘅係,佢集精華素、乳液、乳霜、防曬、妝前底霜、粉底於一身,既方便又實用,至於cleansing oil就不含礦物油!

周年活動上仲有雪肌精全球代言人新垣結衣同雪肌精30周年形像大使 / 助言人陳柏霖嘅出現。新垣結衣表示,雪肌精令佢嘅肌膚睇落明亮兼富透明感。而陳柏霖就話:「女生着重美白,所以很早就聽過雪肌精,雪肌精是美白的代名詞吧。」

活動當日,小編仲同一眾行家近距離訪問牛爾老師同雪肌精30周年形像大使 / 助言人陳柏霖。牛爾老師訪問詳情可參閱:「牛爾老師:美白常犯錯誤+護膚心得分享!」


「大仁哥」陳柏霖表示,保養無分男女,大家都需要保養,而佢自己就最鍾意用面膜。被問到最鍾意女生化邊種妝容,「大仁哥」話要睇場合,好似去頒獎禮,就要特別啲,例如塗上紅唇。而佢自己望女生嘅時候,會特別注意眼睛嘅部分。至於最受不了女生嘅事,「大仁哥」話無分男女,佢最怕人哋唔整潔,例如唔洗頭。



後記:
我自小有雀斑,膚色亦比較暗啞,但我唔鍾意死白嘅膚色,所以雪肌精就啱晒我,因為我鍾意白得嚟透亮兼唔會乾爭爭嘅肌膚!用過就會知道,藥用雪肌精係有為肌膚注水嘅感覺架!仲有仲有,因為呢次雪肌精之旅,我再一次感受到落雪嘅氣氛,真係好開心呢!

LOAD MORE