男生怕怕?高保養費女生10大特徵

by Lusia

男生怕怕?高保養費女生10大特徵,男女關係,愛情

男生揀對象時,除咗睇樣睇性格之外,仲會留意「保養費」一項,即係女生嘅「開心指數:生活消費指數」比例,佢哋自知自己唔係富豪大劉,如果無能力令對方快樂,追到咁又點?

女生唔好怨男生太實際,其實呢種實際只係量力而為,情況等如你得到一層不能轉手嘅豪宅,每個月管理費過萬,每隔十年維修保養費幾十萬,一個普通人負擔唔嚟,咪盞搞?!一般嚟講,男生眼中的高保養費女生特徵包括:

1. 經常出入貴價餐廳。

2. 鍾意用名牌,平常用嘅手袋、手錶、鞋都係名牌。
男生怕怕?高保養費女生10大特徵,男女關係,愛情

3. 鍾意珠寶首飾,會戴會買會討論阿邊個粒石幾大。

4. 經常出入髮型屋、美容院、spa。

5. Shopping係最大興趣。

6. 唔會唔化妝出街。

7. 對好多事都追求完美。

8. 會條件反射咁留意到啲貴價細節,簡單嚟講即係一眼就睇出邊啲係好嘢邊啲係劣貨。
男生怕怕?高保養費女生10大特徵,男女關係,愛情

9. 家住公認嘅貴價區域,例如半山、跑馬地、淺水灣、九肚山、九龍塘。
10. 身邊姊妹十個有八個都係以上嘅類型。

假如你擁有以上一半或更多嘅特徵,而又覺得呢啲形象阻礙到你嘅愛情發展,你可以:

1. 盡量tune down一下,靚得嚟低調一啲。
2. 多展現內在美,俾其他人睇到你可愛善良嘅一面,了解你其他嘅嗜好。
3. 拿出好奇心,開心迎接任何新嘗試。
4. 但謹記:千奇唔好扭曲自己嘅個性,委屈自己。

LOAD MORE