Taeyang RISE in Hong Kong!

by Cathy

太陽為人親切鬼馬,不但滿臉笑容,影相亦擺出多款pose任你影,絕不行貨。

都話太陽係K-pop界fashionista,發布會當日身穿最新A Bathing Ape Black系列猿人tee示人,個猿人頭仲貼滿Swarovski水晶,閃爆!

當香港人特別幸福,幾乎每月亦有韓星輪住到港,對比眾多一線韓星,Big Bang就特別錫我哋,太陽首個單飛個人演唱會《Rise》就揀中香港為首站。太陽這次以「R&B王子」身份襲港,先打親民牌學講廣東話,仲帶埋父母一同來港,夠晒重視香港粉絲啦!

1.請問演唱會主題《Rise》有甚麼特別意思?
源自我的主打歌及上一張專輯,均同樣以《Rise》命名,於這次巡迴演唱會中,由音樂製作以至舞台設計我亦有參與其中,希望大家可以從中感受真正的太陽。
 
2.之前都係同Big Bang一齊出騷,今次solo有咩感受?
今次得自己一個到香港,對比五個人同行時感覺更新鮮、更期待。
 
3.你一向被視為fashion icon,私下有咩穿搭心得?
YG(太陽所屬公司)旗下有fashion brand Nonagon,我亦為品牌做過model,但我私底下偏好自然、簡單style,最好係可以襯番我啲歌啦!
 
4.各國fans都會用唔同方法接機及歡迎你,你自己最鍾意邊種形式?
最深印象係fans於機場大聲合唱我的歌迎接我,令我既驚喜又意外!雖然我今次係同父母一同來港,亦希望我的fans如果下次碰見他們時唔好太熱情,不停影相,始終他們不是藝人,唔習慣被人包圍呀。
LOAD MORE