編輯分享:Bobbi Brown全新美妝教室

by Karen C.

好多女生成日買完啲化妝品返屋企,都化唔返喺counter試嘅效果,其實可能唔係件產品嘅問題,而係化妝技巧出錯。Bobbi Brown一直相信只要揀啱產品加上正確嘅技巧及步驟,就可以令自己變靚。全新推出嘅Makeup Lesson 2.0美妝教室,就可以為大家提供個人化及時尚嘅化妝班,小編早前有幸去體驗咗喇!

全新嘅Makeup Lesson 2.0美妝教室會由專業化妝師教授點樣揀啱適合自己嘅護膚品及化妝品,再利用相應嘅工具及技巧,就可以幫自己化出美麗又自信嘅妝容。一共有四個20分鐘免費教室及兩個需先預繳留位費而長達45分鐘嘅美妝教室,所有課程均1對1教學,保證大家可以學以致用。

當日我就體驗咗20分鐘針對暗瘡皮膚嘅基礎底妝教室,化妝師會教我點樣可以有效遮暗瘡、暗瘡印、紅印等,令皮膚睇落更平滑自然。

化妝師首先幫我搽上適合嘅護膚品打好個底,其實Bobbi Brown嘅護膚品都唔錯,而且仲有陣清香嘅味道。

之後就教我搽粉底嘅技巧同埋遮瑕嘅技巧,原來平時自己化嘅底妝唔完美、啲瑕疵遮得唔好,係因為手勢唔正確!只係短短20分鐘我就已經學識到點樣因應自己肌膚問題去化底妝,仲學識點樣正確使用相應嘅產品添!

20分鐘嘅課程包括「基礎底妝教室」、「基礎眼妝」及「基礎眉妝教室」,完全免費,而且仲可以walk-in參加,非常方便!而另外兩個45分鐘嘅「10步美妝教室̽̽ͣ」及「輪廓提升美妝」就需要預約費$600,完成課程後可全數換購 Bobbi Brown 正價貨品。

LOAD MORE