鄺俊宇:愛情中不能沒有尊重

By COSMO

你好樹洞,

一直有睇你fb同ig,覺得你嘅文字好中point。有個問題困擾咗我好耐,想問問你意見。
 
我同佢係F.3嘅同班同學,到F.4我哋第一次一齊,但幾個月後就分手,但直到而家都應該有4,5年啦,我哋一直都有斷斷續續喺埋一齊,但無一次係長久,最長都係得5個月,其實每次分手原因都係因為佢會突然唔見幾日,之後隔幾日後又好似無事咁搵返我,但我覺得佢好似唔係好重視我咁。但最近一次分手係因為佢同一個女仔單獨出去,我一向都唔鍾意佢哋兩個一齊玩,因為旁人睇落佢哋兩個真係好曖眛,咁作為女朋友,一定有嫉妒心,而且佢無同我講,但又要每人post一張相上ig比我睇到,所以我就好嬲,之後問佢,佢話就係因為知我會有咁嘅反應,所以唔同我講,但我覺得既然佢係唔想我知既,點解又要每人各post一張相上ig比我睇到,所以我嬲到同佢講分手

我哋1月分手,但隔咗差唔多1年啦,我發現自己仲好愛佢,好想同返佢一齊,但我又怕自己會再受傷,所以想問問你意見,你覺得我應不應該自己主動搵返佢呢?
 
不好意思,段野長咗少少,感謝你睇完。Thanks You!

Yauyau
 
Yauyau:

愛情其中一個重要的元素,是尊重,只有互相尊重,才能建立長遠的關係,可是在妳的信中,妳提起的那些畫面,都顯示那位他未有尊重的妳的感受。

如果他跟她僅是朋友,這當然沒問題,但如果妳已經向他表示看見這些照片會不開心,他應該要嘗試在妳的角度思考,例如同樣的事情發生在妳身上,而他是妳的男朋友,那麼他也應不會好受吧?

如果他預知了妳的反應,卻仍然與那位她各自上傳一張公開的照片,然後跟妳說:「我不想妳傷心,所以不主動向妳說。」卻把妳當作傻瓜,認為妳看不見他的照片,也看不見另一位她的照片,那麼這還算是尊重嗎?

他跟異性朋友相處,問題不大,問題在於當妳發現問題,而他回應問題的方法,如果他是誠懇的跟妳說,明白妳的感受,我以後會留意,這當然可以接受,畢竟相處需要磨合,他有他自己的社交圈,也應有適當的自由,但自由的定義,不包括傷害妳的自由,尤其當妳已坦白了感受,妳就更希望他能更懂妳在想甚麼。

至於與他分開了一年,但妳仍然很愛他,明白這感受,愛情從來是難離難捨,但妳必需要分清楚,是懷念當天的他,還是在喜歡今天的他,如問題仍存在,磨擦或不會減少,妳想回頭,但他呢?

祝君好。

鄺俊宇

鄺俊宇

喜歡文字的議員男生,以「樹洞」之名,細聽城市的愛情,著有《愛你,若只如初見》,《有一種幸福叫忘記》,兩作品輪流登暢銷榜首名。

 
如果你遇到任何愛情上的疑難,都歡迎e-mail到editorial@cosmogirl.com.hk(Subject: Ask CG!),愛情專家團隊會於CosmoGIRL!為你解答!
LOAD MORE