港姐:要脫離單身,先要改變自己

By COSMO

Dear CG!,

你好,我未拍過拖,都諗過係咪自己有問題。因為連比人追嘅經驗都無,就算鍾意人都只係暗戀,但其實我已經唔算太被動係度等嗰種人,真係鍾意時都會主動聯絡同約出去咁。

其實我好難先鍾意一個人,事隔三年最近鍾意咗個男仔,最近開始熟,傾wtsapp都有兩個月,一開始日日都傾,但到而家已經係我唔搵佢佢就唔搵我,但其實我哋啲對話係好平常,唔算曖昧......但到我病或者有機會識其他男仔時佢又明顯應機快咗同多嘢問咗,搞到我好亂。

之前約佢放假出去,佢話好,但到聖誕前再問佢話要睇下時間先,之後又無下文了,我會喺度諗佢應該係唔想去......其實最近越嚟越少聯絡,而且好似聖誕嗰陣我喺party識咗個男仔,佢就成日都將我推俾個男仔,話我應該要主動啲,應該同個男仔出街嗰啲咁,所以我覺得佢應該當我只係朋友,而家都有啲半放棄狀態,但身邊啲fds又成日話有機叫我唔好放棄,搞到我都唔知點。

其實我真係唔知應該點做好,好想知佢對我有無feel。不過佢身邊有好多女性朋友,雖然知佢單身但我又唔知佢有無鍾意緊嘅人,好似平安夜我知佢去咗倒數,雖然好想知佢同邊個去但又唔敢問。另外我有個fd同我一樣同佢同時間熟,佢又會成日係我面前提起我朋友,但我唔知因為個女仔係我哋嘅共同朋友呀,定係其實佢係鍾意佢呢,搞到我唔敢同我呢個fd講我鍾意佢,因為我呢個fd比較over又會同男仔好多身體接觸咁,男仔對身體接觸又特別敏感呢......所以我怕佢哋其實互相有意思。

可唔可以俾啲意見我?應該點做好?

Thanks

Mei


一個字講曬,對你無興趣,IP都唔使check。

你身邊那些到底係甚麼朋友?擺明無機都還說有機叫你堅持,簡直亂噏廿四、推你去死、完全靠害!媽呀,好多損友呀!

有機?你不找他他就不找你,這叫「有機」?明明約好卻又無心赴約隨便甩你底,這叫「有機」? 鼓勵你主動約會其他異性把你推開得那麼明顯,這叫「有機」?機呢?機呢?到底機在哪裡?誰能借把放大鏡來讓我再找找?

他對你朋友或是對任何其他女性有沒有意思,都沒關係。因為總之他就是擺明了對你沒意思。是,很殘酷,但這是事實,你不想承認都要承認。

應該點做好?應該先讓自己成為一個具吸引力的女人,內外皆是。一個吸引人的女人才不用如此卑微狼狽地為了男人自尋煩惱、自我否定。

港姐

港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。
 
如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!
LOAD MORE