做愛無感覺?

by Miss Sex



Dear Miss Sex:

我俾我嘅性生活困擾咗好耐,無意間搵到呢個渠道,希望你可以解答我嘅問題。
話說我由中學開始就對性充滿好奇,中六嗰年識咗我嘅初戀男朋友,大家心思思想做,因為聽人講感覺會好舒服。終於喺某年平安夜發生咗第一次,第一次真係好痛,但啲人話做多幾次就會有feel,我就非常有期望地以為做多幾次轉多幾個pose可以有人哋聲稱嗰種舒服感覺。

但係好可惜,男朋友已經入到盡,我下面都濕曬,但佢抽插嘅時候我真係乜嘢都感覺唔到,除咗覺得有嘢出出入入之外,真係一啲都唔覺得舒服。男朋友射完問我高潮未,我都唔好意思講,驚傷佢自尊心。

之後我上網睇吓AV睇吓可以點做先high啲,又試過自己喺屋企自慰,用手指按摩仲舒服過真做。我覺得好唔開心,性對我嚟講應該係好美好嘅事,應該好有快感,點解會變成咁? :(

希望你可以抽空解答我,同教我應該點做!

Thanks,
Cherisse

Dear Courageous Cherisse,

做愛無feel有好多原因的,例如你男友唔清楚女人身體點運作,技巧唔夠;你未摸到咩節奏角度令自己有感覺;前戲不足,狀態未到;又或大家的style唔夾;甚至有少數女人無論用任何方法都唔會有性快感和高潮的。

不過聽你講用手指幫自己按摩仲舒服過真做,即代表你身體可以感覺到性快感,並非那不幸的少數。你第一件要做的事是唔好俾咁大壓力自己,期望每次做愛都好high。須知道,男人慣常的抽插模式(即那種猛烈的出出入入),確實不能令大部分女人有超爽感覺的,頂多覺得充實和wild。AV有99.9%是拍給男人看的,那些女優只是做戲,女人好難從中學到令自己性高潮的技巧。所以你好正常,唔使過分擔心和沮喪。

要建立那種衝上頂峰的性快感,便必須配合女方需要。你知道怎樣刺激自己的陰蒂達致高潮嗎?通常需要持續的施壓,所以男方做愛時盆骨和陰莖應好好扺着和磨擦著陰蒂和陰戶頂端,用打圈的動作而不是直出直入。這對男人來說並不是很好feel,你男友願意配合嗎?

又或者簡單啲,一邊做一邊用手指幫自己。他亦可在事前或事後,用手或口幫你。你願意採取主動表達這種需要嗎?Miss Sex一再重申,做愛並不止於抽插,任何與伴侶製造快感的過程都是做愛。I will now recap in English: Sex is not just about penetration. 

總之做愛不是求分數,而是俾時間自己慢慢探索,尋找樂趣,okay?

Love,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE