幸運降臨!LADURÉE 2015春夏妝品

By COSMO

LADURÉE彩妝嘅包裝真係靚到令人愛不惜手,每次推出新產品嘅時候我都會忍唔住去望吓,因為送禮又或者自用都好適合。今個春夏,LADURÉE推出Le Porte-bonheur幸運之符系列,透過妝品帶幸福同快樂比所有女性。系列產品包括有胭脂蜜粉、眼影組合及護唇膏。


LADURÉE華麗胭脂蜜粉 $ 330

胭脂蜜粉有五款顏色選擇,不含珠光,打造出自然有氣色嘅面容,而粉撲就配有蝴蝶結,甜美之餘又可以更輕易將蜜粉均勻掃上臉上。

LADURÉE幸運符號眼影組合 $ 360

眼影組合有春系煙熏色、柔和灰色系及日常場合經常用得上嘅深色系選擇,以幸運符盒子為設計主題,繪上四葉草、甲蟲、鈴蘭同馬蹄鐵幾款均係歐洲被認定為能夠帶嚟好運嘅符號,將好運送比大家。


LADURÉE潤色護唇膏(限量版) $ 270

而潤色護唇膏就推出三種限量版顏色,質地水潤有光澤,平時淡妝嘅時候可以當唇膏使用,非常方便。

 

LOAD MORE