吵架後道歉step by step!

by lulu. T

當你講嘢得罪咗人,你會點樣道歉?小事嘅,會講句「唔好意思!」,認真啲嘅,就講句「對唔住」......囉,係咪?其實一個有修養、有內涵嘅CG!,就算「道歉」都要真誠啲,唔可以咁求其!因為「道歉」本身已經係一大學問,唔少心理學家、學者都有專門研究,首先係要把握時間。研究人類焦慮情緒嘅心理學家表示,道歉係有一個被稱爲「道歉成熟期」嘅最佳時機,就係喺失言後嘅10分鐘到兩天內向對方承認錯誤。48小時係最後「期限」,超過咗呢個時間,對方可能會自己淡忘咗件事,但更有可能嘅係將件事埋咗喺心底,隨時翻舊帳!


當遇到更複雜嘅情況時,又點樣先可以令對方真正感受到你嘅歉意並且大家能夠和好如初呢?咁當然一句「唔好意思」或者「對唔住」係唔足夠啦,要表示「真 心」,就要學會五種道歉嘅語言,有學者認為喺在每一句令人唔舒服嘅話語之後,大約要有4次正面、含有歉意嘅語句或者表情動作出現,另一方先會打算原諒。

道歉語言step by step:

Step 1. 表達歉意──「對不起」
Step 2. 承認過錯──「我錯了」
Step 3. 彌補過失──「我該如何補償你?」
Step 4. 真誠悔改──「我不會再犯了!」
Step 5. 請求寬恕──「你可以原諒我嗎?」

LOAD MORE