口頭禪反映內心思想及性格!

By COSMO

生活

有無留意自己或者同事朋友平日同人傾偈,有無一啲經常重複嘅說話?你以為係一種無意識嘅習慣,定係純屬個人講說話嘅style呢?事實呢一類嘅口頭禪,係可以最直接咁反映出說話者嘅內心思想同性格。

1. 「講真吖......,唔係呃你......」
經常講呢句嘅人,如果唔係平時講得大話多,希望增加自己嘅可信度,就係性格急躁,內心唔平安,有一種經常擔心被誤解嘅心理。

2. 「應該咁咁咁」
成日講「應該」嘅人自信心極強,最鍾意說服人而產生被認同感。

生活

3. 「聽人講呢......」
點解要聽人講,而唔係自己講?咁證明呢個人判斷力唔夠,但就處世圓滑,善於保護自己,識得為自己留有餘地。

4. 「可能係啦!」
自我防衛本能極強,唔願意負責任,事情一旦明朗之後,佢會講「我都話架啦!」嚟邀功,係偽君子一名。

5. 「但係乜乜乜,不過咁咁咁。」
當被人指出自己錯處時,總會用「但係乜乜乜」嚟為自己辯護,又係逃避責任。

生活

6. 「嗯嗯」、「啊...」、「呀...」
通常唔多詞匯嘅人,都會俾人敷衍嘅感覺。同時亦表明此人思維慢,反應較遲鈍,就用單字作為間歇,為自己爭取思考時間,男人最常見。

7. 「是但啦!」
好多人都會講,表面感覺好似好隨和,心理專家就認為呢類人最唔合作,又無主見,只會隨波逐流。

<<閱讀更多>>3 STEPS 消除口氣

LOAD MORE