心理測驗:你在愛情上的缺點是甚麼?

By COSMO

如果有個晚上,本來已經好疲倦嘅你,唔知點解總係瞓唔着,你會用下列邊種方法嚟度過呢個失眠夜呢?

A. 打電話同人傾偈

B. 喺屋企四圍搵嘢做

C. 繼續喺床上輾轉反側

D. 睇書

E. 沖多一次涼

結果分析:

選擇A:
你做每一件事都只顧自己,唔會為別人着想,獨斷專行嘅你,容易令戀人頂唔順。改改你武斷嘅性格,多徵求伴侶對事情嘅睇法,會令對方覺得你更可愛。

選擇B:
你嗰種死唔服輸嘅性格,將你喺人群中顯得突出,戀愛嚟嘅時候,亦因為唔肯對對方坦白而遭遺棄。你唯一嘅好處係,你處理事情絕唔會拖拖拉拉、沒完沒了。因此,只要搵到心儀嘅對象,不妨來個閃電結婚!

選擇C:
喺生活上有問題時,你只識得逃避,愛情方面都一樣,因為你嘅拖拖拉拉令好多人受到影響,同情人分手後,仍會有藕斷絲連嘅情況發生,想做就做,想愛就愛吧,機會走咗就無架喇!

選擇D:
你係個十分理智嘅人,但聰明反被聰明誤,你對每件事都小心謹慎。喺愛情路上,因怕受傷而唔敢用情太深,但咁樣會令你嘅情人有被忽視嘅感覺,對你嘅熱情亦因此大減,其實,做人有時迷糊一下,亦未嘗不可。

選擇E:
你有啲神經質,但亦有啲執着,其他人好難適應你嘅處事作風,你嘅伴侶都一樣,你對佢忽冷忽熱,會令佢覺得好迷惑。即使對佢一見鍾情,你亦會俾佢飄忽不定嘅感覺,而嚇到佢掉頭走。要改變現況,就要控制一下自己嘅情緒喇!

LOAD MORE