6大犯眾憎嘅Facebook Posts!

By COSMO



用咗facebook咁多年,你一定試過好沉迷、亂add一堆friend、勁玩遊戲apps。當理智恢復過來之後,你開始冷靜對待你嘅facebook,想好好打理一吓佢,然後你就會不時將人哋無聊嘅updates hide得就hide,當睇唔到,甚至將無謂人unfriend。不過,喺你為自己facebook清理門戶嘅同時,不妨都檢討一下自己,會唔會經常性做出一啲令人討厭嘅行為,成為犯眾憎同被unfriend嘅對象之一!

1.頭號討厭洗版王

相信大家都試過被洗版嘅情況,無論對方update嘅內容係自己每日一look有幾靚、宣傳政治、宗教whatever理念有幾正確、推介嘅歌手/產品有幾正,連環狂post咁無公德心嘅行為只會惹來公憤,想有朋友都幾難!所以如非緊急事故、情非得已,例如患咗腦退化症嘅老人家走失咗,就要識得控制自己,唔好令人以為你係一個唔理人感受嘅霸道鬼!


2.負能量發放機

喺網絡上,好容易遇到某一種人,佢哋怨氣沖天,以facebook為現實生活嘅逃避或發洩出口,喺公司做錯事俾上司話兩句、遇到唔公平嘅事又無自信據理力爭、甚至日日為咗一啲雞毛蒜皮嘅事走上網狂抱怨狂罵邊個邊個係八婆、自己有幾慘幾可憐,佢哋嘅updates 10次有9次都係散布負面訊息。坦白講,有佢哋喺自己個friend list入面,真係就快將自己嘅facebook都變埋灰色!呢個behavior對人對己都無益,對朋友,更加係將自己嘅不快加諸佢哋身上。即使你打算劈炮唔撈,下任老闆見到你咁樣埋怨前老闆、同事,都唔會對你有好感。


3.無聊到盡頭


有啲人嘅updates實在無聊空洞到令人反眼再反眼。以下例子係同一個人最近5個posts嘅內容:「好累」、「午餐食咗麵」、「我今日搭地鐵過海」、「點解?」、「@_@」,或者莫名其妙打兩句詩……除此之外,無加說明,無加圖片,令人摸不着頭腦,抑或係想seek attention等人主動問?除非佢哋facebook只係add熟到不得了嘅好朋友,或者係好多人對佢有興趣嘅明星名人,否則,只會令人覺得佢係一個無聊到極點嘅人。
6大犯眾憎嘅Facebook Posts!

4.肉麻當有趣

有啲人唔介意公開自己嘅感情生活,不過……別人可能介意被迫follow。有啲朋友情到濃時,愛情嘅浪漫沖昏咗頭腦,每日update幾次佢同honey嘅煙韌合照、公開綿綿情話,甚至山盟海誓!到失戀時,又可能公開佢嘅「失戀33天」,迫人跟進佢每日有幾痛苦、思念、死去活來……咁樣可能會搞到原本關心佢嘅朋友都意興闌珊。而且世事難料,假如呢段感情失敗咗,將來嘅potential target喺你facebook發現你過往嘅情史,都係有害無益架!



5.恐怖核突Share


有啲朋友好心想share啲有意思嘅嘢,可惜就附帶一啲血淋淋嘅可怕圖片/錄像,嚇親其他朋友。最常見係關心動物權益嘅相,又劏又斬又剝皮拆骨足本呈現……另外,一啲原本好正面嘅健康資訊,例如,如果放棄用真人近鏡去說明針灸嘅好處的話,我諗大家會比較受落……假如真係決定要赤裸裸將呢類型嘅相/錄像post出去,最好喺文字updates上講明圖片有可能引起不安,等朋友們可以有個心理準備同選擇!


6.迫人融入家中

重視家庭生活係好事,但如果每次喺facebook post嘅都係三代同堂食飯、一日幾次update寶寶/寵物今日明日周未做咗咩,太多太多,都會令其他facebook friend摸不著頭腦,因為有啲朋友根本唔認識你屋企人,未見過你個BB,但就要日復日喺facebook見證佢嘅成長。而事實上,我哋唔係碧咸嫂,唔一定人人都好有興趣跟進你嘅嘢,更何況有時候我哋係有需要保護自己同家人嘅私隱啊!

LOAD MORE