分手療傷三部曲!

By COSMO

大時大節,除咗係好多情侶甜蜜慶祝嘅日子,亦係分手嘅高峰期。如果不幸地對方喺節日提出分手,應該點去面對?為咗唔想孤伶伶一個人,唔想大時大節要一個人過,而勉強拖拉係完全無意思,亦只會令雙方覺得更加辛苦。假若你哋嘅感情已經去到無得挽救嘅餘地,你就應該放手!趁住假期,重整自己嘅心靈,好好休息,然後重新出發!

不勉強自己

如果平時你比較忽略家人、朋友,呢一個空檔最適宜用嚟投放喺佢哋身上,約佢哋happy hour、食飯、睇戲,讓自己嘅社交網絡重新開動。當然你都可能需要一個人靜落嚟,咁就唔好勉強自己出去見人了,尤其係如果你仲未準備好談論分手嘅事。

旅行Getaway

趁假期去個旅行走一轉都係一個好嘅選擇,可以邀請未有計劃嘅朋友一齊去。不過喺旅途中唔好只顧談論Ex,應該去shopping、扮靚啲、去clubbing、投入當地嘅文化特色,比自己享受一個豐富嘅假期同時轉移焦點,減少你浪費時間諗佢。而且文化體驗係心靈嘅神奇淨化劑!


展開計劃

忽然由兩個人過節變成一個人,一時間係好難適應。不過千祈唔好忘記:呢種孤獨只係暫時的,你好快就會振作起嚟,你只係需要一啲時間去療傷。好好利用呢段時間去錫自己,例如你可以去做spa、食你以前為咗遷就佢而無食嘅嘢、換個新髮型,做你想做嘅打扮、計劃一直以嚟想學想玩嘅嘢,約下朋友,將節目都寫喺日程表上,放眼將來,而且話唔定你好快又被新男友佔據你之後嘅日子,who knows?

LOAD MORE