瘦面機係咪唔可以日日用?點可以令V臉效果持久啲?

By COSMO

利用美容儀器塑造V型輪廓,等於每日為臉部做拉提按摩,基本上只要皮膚無敏感反應,日日做係無問題,重點係每次時間唔好太長,3-5分鐘已經足夠,否則容易有反效果。如果想V臉效果持久啲,建議可以喺完成塑型後,再追加一個緊緻面膜,臉部輪廓不但無咁易走樣,亦都可以減少用儀器塑型嘅次數,喺繁忙嘅節日期間,既可以慳時間,又可以keep住上鏡靚樣。

緊緻面膜主要有兩款,膏狀可自行塗抹,即使係鼻翼、嘴角、下巴,甚至頸項等細微部位都能確實敷到,塑型範圍可以更全面,尤其頸部肌膚最易出賣女性年齡,更要留心保養;而片狀緊緻面膜就比較方便,但要注意選擇支撐力強嘅產品,能確實包覆住肌膚、有向上拉提嘅效果。

CG! Recommended:

Fresh 紅茶晚間緊緻面膜
$840 / 100ml

晚間係肌膚休息及補充水分嘅時間,Fresh特別配製嘅紅茶晚間緊緻面膜可整晚敷用,喺肌膚最易吸收嘅時間注入水分,促進天然修護過程。當中成分胜肽(縮氨酸)有助緊緻肌膚,抵抗地心吸力引致的鬆弛問題,同時提升肌膚緊緻度,令面部輪廓明顯更標緻。

 

LOAD MORE