心理測驗:查出阻礙你「做自己」嘅原因!

By COSMO

我哋之所以會玩占卜、心理測驗,就係因為想了解自己,可惜有時連自己都唔知道邊一個先係真正嘅自己。我哋會因為身處喺唔同地方或者唔同場合,為配合其他人而講一啲說話或者做出某啲決定,但可能唔係按照自己真正嘅想法。究竟阻礙你做自己嘅真正原因係咩呢?

提提你:請先mark低自己個答案啊~

1. 你會給小時侯嘅自己一句咩說話?
★ 人要從錯誤中成長
◆ 沉默是金
▲ 你嘅缺點正係你嘅優點

2. 當你憤怒,要令自己回復平靜嘅時候,你會建議自己:
★ 表達自己嘅想法同感受
◆ 唔好怪責自己
▲ 相信自己

3. 有人話你知,你嘅好朋友喺你背後講你壞話,當你遇到呢位好朋友時,你會:
★ 扮無事,但心入面有條刺。
◆ 你觀察過覺得佢無異樣,你覺得自己可能誤會咗別人嘅說話。
▲ 黑面提醒佢做朋友嘅原則

4. 你喺街上見到有人粗暴對待一位長者,你會:
★ 安慰老人
◆ 怕越搞越大件事,所以唔介入。
▲ 鬧嗰位欺負長者嘅人

5. 你無法克服邊樣挑戰?
★ 喺敵意甚濃嘅氣氛下發言
◆ 一個人去旅行
▲ 放棄一切,由零開始。


6. 你走入辦公室時,所有人立即唔出聲,你會覺得:
★ 佢哋有秘密唔想我知
◆ 佢哋想將責任推喺我身上
▲ 我又做錯事了?

7. 你最怕邊種人?
★ 擅於攻擊同煽動嘅人
◆ 皮笑肉不笑嘅計謀怪魔
▲ 咄咄逼人嘅人

8. 你喺人哋屋企作客,啲餸煮得唔好,你會點鼓勵主人家?
★ 再食多啲
◆ 講好聽嘅說話
▲ 積極參與對話,轉移視線

9. 你認為別人提出有建設性嘅批評,必須有:
★ 勇氣同技巧
◆ 自信同冷漠
▲ 信任同友善

10. 你正在放假,有咩可以干擾你嘅寧靜呢?
★ 一個會影響你整個假期嘅邀請
◆ 同身邊人發生衝突
▲ 朋友紛紛不請自來

11. 你升咗職,上司怕你影響到佢嘅地位而離間你同其他同事,你會:
★ 嘗試婉轉地等佢知道你無意觸犯佢嘅利益
◆ 嘗試消除自己同其他人嘅分歧
▲ 唔敢太過主動做事

計算一下你有幾多個A / B / C:

Q 1 2 3 4 5 6 7 8 91011
ACBACCBACCA
BACBAACCBBC
CBACBBABAAB

結果分析:

得A最多:你被批判綁住了!

你一方面好有自己一套信念,但另一方面又會不斷自我審查,壓制自己唔去做好多事,於是內心不斷同自我角力。你怕失敗、怕被排斥,好在意別人對你嘅睇法。可能你父母用指摘作為教育工具,又或者過分重視分數等都可能對你造成影響,令你誤會錯誤等同道德錯誤。你喺恐懼別人批判嘅同時,都用同樣嘅眼光看待他人。

提示:當你內心嘅自我審查員又出場時,你幫「佢」作一個外號,例如呀爸或呀媽,然後正視「佢」講嘅說話,例如你想接受一個男生嘅約會邀請,但「佢」話「唔好,唔好應約」,咁你就要勇於反駁問:「到底有咩唔好?」你亦可以將你內心嘅拉鋸話比信任嘅朋友知,等你作出明白嘅決定。

得B最多:你害怕製造衝突

你害怕激烈嘅討論、緊張嘅氣氛,有問題就自己頂硬上嘅態度反映出你努力迴避別人嘅注意,寧願聽其他人嘅做法都唔願企出嚟,受到責怪你往往選擇唔回應。恐懼經常襲擊你,你甚至擔心失去別人嘅愛。你可能係喺專制嘅家庭中長大,或者父母將不同意視為大罪,你潛意識中嘅罪疚感阻止你去做好多你想做嘅事。

提示:嘗試做一啲你鍾意嘅事,唔去顧慮別人嘅感受,例如你決定今個周末安靜地過,唔會接非緊急嘅電話。其他人提出要求時,答:「我唔可以即時答你,等我考慮一下。」遇到橫蠻無理嘅人,中斷談話,話比對方知如果唔互相尊重,你認為繼續講落去都無意思。

得C最多:你揸唔定主意

你總係揸唔到主意,要周圍問人意見,因為唔夠了解自己,唔知道自己想要咩。沒事發生時你都可以安然渡日,但如果要你做決定、展開一個計劃、表明個人立場,你就會企咗喺度,唔知點做好。因為你唔認識自己,怕揀錯路、錯過機會,結果反而做咗唔係你真正想要嘅決定,總係覺得自己無真正咁生活過。

提示:留意平時你感覺良好嘅時刻,然後從中搵出共通點,例如接觸大自然,獨處、同朋友談心、表達自己等……久而久之你會更認識自己嘅身份,按自己嘅需要說話同做事。不妨嘗試唔理其他人嘅意見,盡量去感受自己。

LOAD MORE