心理測驗:你係咪一個工作狂?

By COSMO

如果你係一間大公司嘅負責人,而你啱啱請咗一位年輕貌美嘅私人秘書。你有權規定佢嘅上班服裝,你會選擇以下邊一種?

A. 突顯身材嘅窄身裙,帶佢出去應酬會得體,自己亦會覺得賞心悅目。
B. 同其他員工著同樣嘅制服,因為公司要注重紀律。
C. 保守嘅套裝,裙要及膝先顯得莊重。
D. 任由佢自己打扮。

結果分析:

選擇A:
你好聰明,識得係該努力嘅時候努力工作,可以偷懶嘅時候都唔會放過休息嘅機會,所以你工作時會精神飽滿,不過只可以話你睇落似一個工作狂。

選擇B:
你係個公私分明嘅人,雖然唔算係工作狂,但只要做緊嘢嘅時候,你唔鍾意涉及私人事情。基本上,你都算係一個工作狂。

選擇C:
你係一個平時睇落好散漫,但實際上一投入工作就會好正經嘅人。認真係你一貫做事嘅方法,而且你勇於負責,絕不馬虎。你最痛恨敷衍了事嘅態度,所以你係一個十足嘅工作狂。

選擇D:
你係個奇才型嘅人,比較擅長策劃性嘅工作,如果認真起來,做事一絲不苟;但係如果你根本無興趣,你就會求其做完,唔太理會。所以,你係唔係工作狂,完全視工作性質而定。

LOAD MORE