躲進納西小屋 感受原味麗江

by Ship Ship

麗江悅榕莊擁有私家園林,在度假村的中心湖前望出去的道是無死點的玉龍雪山景,不同時間有不同的美,留喺酒店內望大半日都不為過。

花園套房係單層納西小屋式建築,屋內用上唔少木製傢俱配以紅色裝潢,古典又不落俗套。

客房一間過貫穿,一邊係浴室,另一邊係living room,四面都有窗,打開哂就相當光猛。

花園套房的38度恆溫Jacuzzi,任何時候浸都是最佳享受。

麗江悅榕莊位置極佳,在泳池別墅更可直望玉龍雪山,住喺度我諗唔到原因要再出去。

清晨的束河古鎮人流不多,行喺石板路上更可以感受到古城的悠閒。

清晨的束河古鎮人流不多,行喺石板路上更可以感受到古城的悠閒。

雲南是茶馬古道的起點,束河古鎮中更設有茶馬古道博物館,入場免費同時更會同場展示普洱茶文化。

網上流傳着一段關於麗江嘅說話,內容大概係話未去過麗江的人對此地總有啲 暇想,但去過麗江的人,卻會因當地嘅過度商業化而失望。想要感受原味麗江,最好的方法並非走去古城同大量旅行團迫住行街,亦都並非去有如disco的酒吧搵艷遇,而係搵一間好嘅住宿,喺入面感受麗江嘅閒適。

自成一角的私家國度

今次入住嘅好住宿,係位於有800年歷史的束河古鎮旁,可觀賞玉龍雪山無敵景致的麗江悅榕莊。以低密度別墅為主的度假村自成一角,住客只要進入房間後,就有如進入一個私家國度。單層式的別墅仿照麗江獨有的納西族小屋而建,每間別墅都擁有獨立的私家庭院,附設麗龍雪山景觀露天恆溫Jacuzzi 一個!即係話,即使外面係只有幾度嘅冷冬天氣,住客一樣可以歎住茶浸Jacuzzi,日頭享受麗江最寶貴的溫暖陽光,夜晚睇住星星曬月光,真係舒服到唔想離開。                                                                                             

閒逛束河古鎮

嫌麗江大研古城太商業化,到束河古鎮走一圈應該會更合乎預期。雖然束河鎮內都開有唔少店舖及餐廳,但肯定比大研更貼近麗江應有的悠閒。推薦早上十時前到束河古鎮閒逛,清晨在城內的大部分都係當地人,遊客不多的情況下才能感受真正的麗江。

麗江悅榕莊

地址:雲南省麗江市古城區束河古鎮悦榕路1號
電話:86 888 533 1111
網址:http://www.banyantree.com/zh/cn-china-lijiang/

 

LOAD MORE