心理測驗:你會得到上司的重視嗎?

By COSMO

如果你係透明人,可以四處自由穿梭,無人會知道你做緊乜,擁有呢種無窮嘅力量,你會想做啲咩事呢?

A. 偷竊貴重物品

B.  四處搞破壞,做一啲變態嘅壞事。

C.  接近傾慕嘅人。

D.  惡作劇,開一啲無傷大雅嘅小玩笑。

結果分析:

選擇A
你嘅野心好大,無論係權位或利益,你都唔願放過。呢啲企圖上司都會放在眼內,不過,只要你係個人才,佢都唔會虧待你。你必須先創造個人最大嘅優勢,盡力表現,拎到高分先有機會同人談判。但係,你唔可以太過自滿,如果遇到唔識重用人才嘅上司,可能會諗方法去殺你銳氣。

選擇 B
你自覺能力唔錯,所以唔願意受任何委屈。如果有咩差別待遇,你馬上就會大斥冤屈。不過,你都好識睇人,會先觀察上司係屬於邊類角色,先會決定申唔申冤。有時候,你都知道應該唔出聲,好好做出成果,然後喺適當時機,再為自己爭取到應得嘅利益。

選擇C
你有啲貪心,不過,只會喺允許嘅範疇內,你先會動手動口。平時你會克制自己嘅慾望,即使覺得自己受到唔公平嘅待遇,你都會忍住。對於上司,仲會好尊敬對方嘅權威。你默默期待公理出現,相信只要一直努力,總會令人發現自己嘅價值同貢獻。

選擇D
你好似隱士高人,辦公室入面嘅鬥爭永遠都唔會參與,因為你根本就志不在此。每當到咗人事變動嘅時候,你總係置身事外,毫不關心,因為唔鍾意太複雜嘅人事鬥爭,所以唔會特意表現。你好怕被捲入爭權奪利嘅漩渦中,寧可守住自己嘅工作,安安分分做個小職員。要升職嘅話,就要視乎你嘅上司有無呢種眼光了。

LOAD MORE