念珠菌感染?防止翻發小貼士

by Miss Sex

Dear Miss Sex:

我想請教你關於念珠菌既問題,其實我已經睇咗醫生,醫生話我有輕微念珠菌,因為我只係覺得出面好痕,沒有痛或出血問題,醫生就開咗啲藥俾我食同搽……

我上網搵過有關念珠菌嘅資料,有人話塞藥同搽藥先係最有效,係唔係真架?另外係唔係一定要食晒啲藥同搽灑啲藥?好返之後係唔係都要繼續食藥同搽藥?點先知道係咪真係好返呢?

我發現自己去完廁所抹出嚟都有白色一點點嘅物體,是正常嗎?

 Thanks!

Kanen

Dear Kouragious Kanen,

念珠菌陰道感染是由於陰道的生態環境改變(例如使用抗生素、懷孕、過胖或患上糖尿病),導致白色念珠菌大量繁殖所致。病徵包括陰道和外陰痕癢、紅腫、小便灼痛、白帶增多,甚至出現如你所說白色一點點像豆腐碎的分泌物。

不過先旨聲明,Miss Sex不是專業醫護人員,不能就此為你診症。治療藥物主要有口服、外塗和栓劑三種,無論醫生處方哪種藥物給你,關鍵在於你有否依足指示用藥。例如列明要食足七日藥便不要因症狀略為紓緩就停藥,因細菌需要時間殺清。如果醫生處方塞藥就得確保塞藥好好安放在陰道內,同樣也要依指示塞足咁多日。感染較嚴重或不停翻發者,則可能需要長時間用藥才能有效防止念珠菌翻發。

其實每個女人或多或少都患過念珠菌感染,Miss Sex當然也不例外。記得當時醫生告誡我臨瞓前先好塞藥,塞完立即瞓低,並要塞足七日。用藥兩三日已經無咁痕無咁腫痛,但仍要堅持將藥用完。

的確,之後無再翻發,秘訣是治癒後勤力打理陰道環境和注意健康,包括:

  • 保持陰部乾爽清潔,最好穿純棉透氣的內褲,少穿人造纖維緊身褲。
  • 只用清水清潔陰部,太強力的女性清潔液或潔膚皂有機會連益菌都殺埋,影響陰道生態平衡。
  • 勤換衛生棉墊。
  • 游泳或運動後即更換內衣褲,保持陰道清爽。
  • 多吃含活性乳酸菌的乳酪,少吃糖分也有助抑制念珠菌生長。
  • 性交時使用安全套,避免感染或傳染念珠菌。

希望幫到你。如情況沒有改善記得睇醫生。

Love,
Miss Sex

**如果你有任何關於Sex嘅問題,都歡迎email到editorial@cosmogirl.com.hk (subject: Miss Sex),等Miss Sex為你解答。

LOAD MORE