12蚊店美容產品大測試!

by Karen C.

12蚊店可以話係尋寶嘅好地方,入面真係應有盡有,而且仲有各式各樣嘅美容產品,但究竟咁平嘅產品好唔好用?今次CG!就為大家搜羅咗8款美容產品做大測試,即刻睇吓買唔買得過啦!

1. Moisture Cleansing Gel


推介度:★★☆☆☆

清潔力唔高,比較適合用嚟卸淡妝。試過想卸走眼影,但卸咗幾次都唔可以完全洗甩晒,防水嘅眼線嗰啲更加難卸到。

2. Charcoal Face Pack



推介度:★★★☆☆

將面膜敷厚喺鼻上有黑頭嘅位置,待完全乾透後就可以慢慢撕走,可以清走部分黑頭。效果一般,只清走到較面層嘅黑頭,較頑固嘅黑頭就完全拔唔走。

3. Honey Face Pack (For Moisture)

推介度:★★★☆☆

質地柔滑,容易推開,亦易吸收,滋潤度尚可,唯獨味道有點人工化,唔係個個人都鍾意。

4. Makeup Brush Cleaner

推介度:★★★★☆

之前用過12蚊店嘅洗撲水都覺得唔錯,呢支洗掃水亦無令我失望。只要將清潔液倒入器皿,然後將污糟嘅掃浸一陣,啲粉就會浸晒出嚟,之後過清水就OK。不過容量較少,好快就會用完(建議一次過入定幾支貨!)。

5. Winwaz Cuticle Oil

推介度:★★★☆☆(3星半)

秋冬天氣乾燥,指甲易生倒刺,呢支係專為防倒刺而設嘅修護油,只要喺指甲邊位掃上傷護油,然後輕輕按摩至吸收就可以,唔會好油膩,滋潤效果都唔錯。不過指甲油形狀唔係太方便帶出街使用,適合喺屋企用多啲。

6. 睫毛夾


推介度:★★★☆☆(3星半)



弧度唔夠深,眼頭眼尾夾唔到,要分開咁夾先得,但夾出嚟嘅效果唔差。



另外呢個夾幾好「揸手」,啲握位好fit手形。

7. EVER biLENA唇部遮瑕筆


推介度:★★★★☆

以咁平嘅價錢嚟講真係好抵用,搽左之後唔會覺得好乾,而且遮瑕效果幾好,我本身唇邊偏向深色,都遮得唔錯。而且呢支唔單止用喺唇部,我連暗瘡印都會用佢嚟遮,效果都OK。

8. Foot mask pack

推介度:★★★★☆

平時好少幫對腳敷mask,呢對腳部面膜幾得意,可以將成對腳放入去,好似袋住咗對腳咁,而且貼心地有膠紙黐住腳口位,防止佢甩出嚟。由於外面有層膠,所以敷住嗰時都可以周圍走,好方便。敷完20分鐘之後,皮膚即時變得柔軟幼滑,有驚喜!

LOAD MORE