走進MAJOLICA MAJORCA的玫瑰後花園!

by 韋寶

唔經唔覺,MAJOLICA MAJORCA嘅魔幻故事已經發展至第42章喇!今個秋冬,品牌帶領一眾魔法少女走進華麗嘅玫瑰後花園!當中我最鍾意嘅係非常切合主題嘅3色花漾胭脂,佢蘊含3色微細粉末,包括可塑造自然透紅臉色嘅透紅色、可遮蓋毛孔,令膚色更透亮嘅調控色,以及可煥發肌膚光澤嘅亮肌色。只要印一印,將粉撲轉一轉,就可以搽出既粉嫰又自然嘅玫瑰色啦!
 
此外,大家不妨試試MAJOLICA MAJORCA胭脂液同超甜心唇蜜呀!胭脂液採用咗獨家嘅豐盈油分基底配方,所以質感水盈柔滑,而且佢蘊含夏威夷果仁油、維他命E誘導體,所以有補濕作用架!佢除咗係胭脂,仲可作胭脂底霜使用,令隨後所用嘅胭脂更鮮明更立體。至於超甜心唇蜜就蘊含蜂皇漿EX及幻彩魔光粒子,滋潤之餘仲可帶嚟三種光澤感覺,包括透明質感、珠光質感及若隱若現嘅閃爍效果,塗後可令雙唇更透亮、更立體、更亮澤!
價錢(左起):
魔幻水盈胭脂 $118
花漾胭脂(新款 3色、內附柔軟粉撲)$128
超甜心唇蜜(共8色)$55
LOAD MORE