編輯分享:排毒去水!9°Spa玫瑰療法

by Karen C.

上星期去咗9°Spa試做「Rose Therapy 玫瑰女士全方位調整療程  」,好趁聖誕節之前幫身體排毒去水,而家就等我同大家介紹下呢個treatment同我嘅試後感!

呢個treatment特設淋巴結位及腿部按摩,幫助促進血液循環,啟動排毒系統,可清理體內積聚嘅毒素及代謝物,有效改善腸胃不適、腹脹、便秘及水腫等問題;再配合保加利亞玫瑰花水成分產品護膚,有助提身體及面部肌膚嘅升保濕紓緩效能。

是次療程採用100%純天然產品,包括:

愛神之油──為女性特製嘅身體油,可滋養女性肌膚並激發女性內在嘅感情。
玫瑰水──天然護膚水,可用於喚醒及紓緩各類肌膚。
面部護理的靈丹妙藥──即面部護理油,有效滋養肌膚,幫助肌膚組織再生,提供足夠的維他命E。
保加利亞玫瑰原精──有效紓緩、呵護肌膚,尤其對乾性肌膚及敏感肌膚。
粉紅石英──粉紅石英係最能令人放鬆嘅礦物質,作用係可以刺激內心嘅情感同提供正能量。
天竺葵精油──具有再生、排水、舒爽及調節皮脂激素嘅作用。
龍柏精油──有助於收縮血管及毛細管,有緊緻作用。

美容師先幫我卸妝潔面,然後就用面部護理油幫我塊面按摩,之後仲會用粉紅石英幫我按,按嘅時候會按到頸嘅淋巴位置,手勢亦有將面部肌膚提升。

之後就按摩腹部位置,除咗會有推、打圈嘅手法,仲會按到某啲穴位。之後就到雙腿嘅按摩,當按到淋巴位置嘅時候,我都覺得有啲痛,應該就係堵塞咗嘅淋巴位。

按完雙腿之後,就反轉趴低,按埋後腿位置及背部。美容師有將幾粒粉紅石英放喺我頭及背部位置,然後再用石英喺我背部輕輕按摩。

完成晒所有按摩之後,美容師就幫我敷面膜,面膜散發住好香嘅玫瑰味,喺敷面膜嘅同時,美容師將一堆熱熱地嘅精石放喺我後頸位置,暖暖地好舒服,舒服到我瞓着咗,同時仲出咗一身汗。

敷完面膜就完成成個療程,過程好舒服,面部同身體嘅肌膚即時變得滋潤柔滑。第二日起身排便暢通,似乎真係幫我排咗啲毒!

原價:$2,680 / 75分鐘
試做價:$880

9°SPA中環店
地址:中環威靈頓街14-24威靈頓公爵大廈9樓(渣打銀行對面)
電話:3583 2998

9° Spa 尖沙咀店
地址:尖沙咀海港城世界商業中心9樓914室
電話:2154 0180

 

LOAD MORE