港姐:經常失蹤的男人,要得過嗎?

By COSMO

 
Dear CG!:

我今年20歲,雖然有唔少人追過,但係一次拖都未拍過。唔知係因為我遇到嘅都係人渣,定係我太需要安全感,我成日都覺得佢哋係漁夫,對我同對其他女仔都係咁,睇下邊個落搭就同邊個一齊,根本唔係真心鍾意我。

個幾月前,我喺街盪失路,就喺地鐵站地圖前面,有個男仔走過嚟主動幫我帶我路。就係咁我哋認識咗,交換咗電話。
 
本身對佢都幾有好感,因為我覺得我哋好有緣份,同埋佢外型同心地都唔錯.。不過都無咩期望,因為呢啲ABC類型多數都周圍flirt人,好socialable,所以我諗我哋最多只會做到朋友。

之後佢平均兩日搵我一次,有時係叫我去佢做嘢嘅地方探佢,有時係臨飛前打嚟同我say goodbye(佢做空中服務員)。本身都係朋友feel,點知佢突然話好想多啲同我相處,唔想失去咗先後悔。結果我星期六同咗佢去做義工。

之後我地關係close咗,佢明示暗示對我有好感,想同我發展,我哋識咗個幾月,只係見過3次,第1次認識,2次做義工。對上一次做義工,佢已經拖我攬我,但仍然係幾日先搵我一次。佢曾經叫過我每日搵下佢,但係有時我WhatsApp佢,佢就算覆都係一兩句,或者隔好耐先覆。我講過幾次唔鍾意咁,佢都話會改,但係都無。又話唔搵我係驚阻住我,我亦講過我唔介意佢煩到我。我哋都有約過出嚟見面拍拖,但係每次約完weekend出,到weekend佢又會失蹤,好似無約過咁,到下個星期個過程又loop多次,每次都無疾而終。所以我而家都好少搵佢,只係等佢搵我。

佢成日同我講啲好sweet嘅嘢,對我好好,仲會用屋企電話打俾我,又成日做義工,好似好有愛心咁,但係我真係理解唔到點解佢可以成日失蹤,好似唔想理我咁。究竟佢係真係忙,定係佢都係漁夫一名呢?我又應唔應該繼續主動啲,WhatsApp佢多啲,約佢出嚟呢?好煩惱丫,plz help!

Thanks

Clam
 
C Lam:

未戀愛過的女生最易中的伏,就是對「得把口」的男人所說信以為真。女人用耳朵戀愛,所以最受不了言語的迷惑。然而你要明白的是,跟你講幾句甜言蜜語,是多麼容易而且廉價的事,沒有在行動上展示誠意,就講再多都是哄你騙你的廢話而已。

而對方總是無故失蹤,其原因到底是真忙也好假忙也好,連一個提前的通知或一個事後的解釋都沒有給你,這跟他是否漁夫沒甚麼關係,而是跟他與人交往的基本禮儀及對你有否尊重有關。很明顯地,這位反覆無常的疑似漁夫先生對你是擺明了並不認真亦全不尊重 。一個男人真心及認真想要跟一個女生相互了解發展,絕不會是這種死款。

遇上這樣忽冷忽熱、不守信諾、言行不一的男人,你再主動,就只是主動落網跳入陷阱,自尋痛苦。
 
 
港姐
 
港姐,一名八十後港女人格分裂而出現的角色,深信無論男女,人人心中都有一個開不了口的港女。虛構但真實、嘴賤但心軟。是悲觀的樂觀主義者、現實的浪漫主義者。不懂花言巧語,只知實話實說。
 
如果你遇到任何愛情上的疑難,都歡迎e-mail到editorial@cosmogirl.com.hk(Subject: ask CG!),愛情專家團隊會於CosomGIRL!為你解答!
LOAD MORE