點樣用遮瑕膏遮暗瘡印先唔會一撻撻?

By COSMO

要有理想嘅遮瑕效果,顏色、使用次序同方法都要注意。

選色:用淺色覆蓋深色瑕疵係錯誤觀念,反而會令塗抹嘅部分睇起嚟更顯眼。正確選擇應該比粉底暗一點嘅顏色會比較自然。

次序:如果係用粉餅,就喺上粉之前使用遮瑕膏;而使用粉底液嘅話,就應該喺上完粉底之後,再上遮瑕膏

方法:好多時為咗令遮瑕膏睇落更自然,就會用手指推開,但咁樣遮瑕膏反而會被推薄而無法達成效果。此外,推開時範圍過大,就會令唔使遮嘅部分呈現奇怪色塊。所以,取適量遮瑕膏以手指輕輕咁按壓喺皮膚上,待服貼後就唔好再觸碰果部分,四周可用棉花棒推開少少,最後撲上少量蜜粉輕輕咁按壓於遮瑕膏上即可。
 

LOAD MORE