戴眼鏡可以點化妝?

By COSMO

不少女生都表示戴眼鏡就唔會化妝,因為對眼睇落唔係變細咗就係太誇張,其實只要掌握到方法,戴眼鏡都可以化到精靈眼架!

首先,近視眼鏡會令眼睛縮小,眼妝重點要放喺眼線上,可以畫深色一啲,如果唔想妝感太重,就要畫內眼線,位置喺睫毛內部,白白地嗰個地方,但要揀比較持久嘅眼線筆來畫,否則好易化開。相反,遠視鏡片會放大眼睛,化妝時應該用較淡的筆觸同色彩,眼線要畫得模糊啲,睇落自然啲。

唔同形狀嘅眼鏡亦有唔同嘅化妝方法,長型鏡框有壓迫感,濃眼妝反而令眼睛更細,可以戴下假睫毛,利用放射扇狀拉大眼型。圓鏡框多數畀人可愛感覺,可以將眼線延伸超出眼尾,令眼型變得修長,增加女性美。
 

LOAD MORE