每日梳頭髮100次,係咪有護髮作用,或者可以令頭髮快長?

By COSMO

「每日梳頭髮100次」一直係護髮迷思,從前洗髮護髮產品未被開發,勤梳頭髮可以促使天然油脂分泌,乾性髮質會變得更亮滑更堅韌,但油性髮質就要盡量避免喇。實際上,梳髮太頻密容易導致機械性損傷如斷裂和開叉,所以,現代產品進步,想有效護髮,不如用心選購優質嘅洗髮水和護髮產品。

另一方面,梳頭可以促進頭皮血液循環,令毛囊可以吸收到足夠養分,頭髮自然長得好、長得快,間接加速頭髮生長。不過只能用天然鬃毛製成嘅梳子嚟梳,而且要從頭頂開始梳到髮尾,頭皮嘅每個部位都要梳到,順着髮流梳過一遍後,可以再將頭髮全部向前逆向梳一次,促進循環嘅效果更佳。
 

LOAD MORE