日本櫪木縣美食套餐!

by 韋寶

呢個櫪木縣套餐用上該縣嘅美食炮製而成,例如柚子、牛肉、士多啤梨、香魚、腐皮卷及時令野菜等,每道菜都既精緻又美味!
當中令我最深刻嘅係炭火燒皇帝蟹,佢係以蟹膏、蟹肉加上芝麻豆腐整成,一入口就充滿蟹膏嘅香味,配埋滑溜溜嘅芝麻豆腐,實在太讚了!
中吞拿魚腩同鰤魚刺身新鮮不在話下,配備嘅櫪木縣特制醬油甜中帶咸,好好味!
櫪木縣嘅牛肉原來好重牛味,而且油分好足又好香!
鍾意食香口嘢嘅必定鍾意圖左呢個鹽燒鵪鶉、炸田雞腿肉,想清淡啲則可選圖右嘅鰆旨煮鍋。
柚子拉麵用上柚子胡椒湯煮成,我之前喺日本都買過柚子拉麵返嚟,雖然柚子味好濃,不過有啲澀味,但呢隻係香得嚟唔澀架,所以我好鍾意!至於圖右嘅那須光鍋飯最特別係櫪木縣產湯餃子,佢睇落係一個醬,但食落真係餃子餡嘅味嚟,而且好惹味,用嚟撈飯好正啊!
甜品用上井澤士多啤梨整成,好香士多啤梨味又唔會太甜,當中個芝士蛋糕係有士多啤梨蓉喺入面,芝士味同士多啤梨並存,但大家都唔會搶去彼此嘅味道!而個雪芭帶啲微酸,非常清新,以此作結,真係大滿足呀!
 
櫪木縣套餐其他菜式:
櫪木縣那珂川水域香魚煮、
柿、白木耳伴芝麻蓮藕片
金菇乳茸腐皮卷
價錢:$1000 / 位
供應日期:2014年11月17日至12月22日
 
美食俱樂部吉田
地址:中環雲咸街8號亞洲太平洋中心29樓
電話:2619 0229
LOAD MORE